ചുള്ളനായി ബിബിൻ ജോർജ്ജ്; സ്റ്റൈലിഷ് ലുക്കിൽ താരത്തിന്റെ പുത്തൻ ചിത്രങ്ങൾ; ഒപ്പം ആദിത്യ സോണിയും..!!

തിരക്കഥാകൃത്തായി മലയാള സിനിമയിലേക്ക് ചുവടുവെച്ച് അവിടെ നിന്നും മലയാള സിനിമയിൽ കരുത്തുറ്റ വേഷങ്ങൾ ചെയ്ത അഭിനേതാവ് കൂടിയായി നിൽക്കുന്ന താരമാണ് ബിബിൻ ജോർജ്.

അമർ അക്ബർ ആന്റണി എന്ന നാദിർഷ സംവിധാനം ചെയ്ത ചിത്രത്തിന്റെ തിരക്കഥ ഒരുക്കിയ തിരക്കഥാകൃത്തിൽ ഒരാൾ ആയി മലയാള സിനിമയിലേക്ക് ബിബിൻ എത്തുന്നത്. തുടർന്ന് ഇരുവരും ചേർന്ന് എഴുതിയ കട്ടപ്പനയിലെ ഋതിക് റോഷനും വലിയ വിജയമായി മാറി.

സിനിമയിൽ ചെറുതായി മുഖം കാണിച്ചു തുടങ്ങിയ താരം എന്നാൽ ഒരു പഴയ ബോംബ് കഥ എന്ന ചിത്രത്തിൽ നായകനായി എത്തി. തുടർന്ന് മാർഗം കളി എന്ന ചിത്രത്തിൽ കൂടി നായകനായതോടെ ബോക്സ് ഓഫീസിൽ വിജയം കൈവരിക്കാൻ കഴിയുന്ന താരമാണ് താനെന്ന് തെളിയിച്ചു.

ദുൽഖർ സൽമാൻ ചിത്രം ഒരു യെമണ്ടൻ പ്രണയകഥയിലെ വില്ലൻ ആയി പ്രേക്ഷകർക്ക് മുന്നിൽ തന്റെ അഭിനയ മികവ് കൂടി തെളിയിക്കുകയായിരുന്നു ബിബിൻ. തുടർന്ന് മമ്മൂട്ടിക്കൊപ്പം ഷൈലോക്ക് എന്ന ചിത്രത്തിൽ അഭിനയിച്ച ബിബിൻ ഇപ്പോൾ പുത്തൻ മേക്കോവറിൽ ആണ് സോഷ്യൽ മീഡിയയിൽ എത്തിയിരിക്കുന്നത്.

നടനായും തിരക്കഥാകൃത്ത് ആയുമെല്ലാം വിജയങ്ങൾ നേടിയ ബിബിൻ ഇപ്പോൾ മോഡലിംഗിലും ഒരു കൈ നോക്കി എന്നുവേണം പറയാൻ. മാതൃഭൂമി സ്റ്റാർ ആൻഡ് സ്റ്റൈൽ മാഗസിന് വേണ്ടിയാണ് ബിബിൻ പുതിയ ഫോട്ടോഷൂട്ട് ചെയ്തിരിക്കുന്നത്.

അവതാരകയും മോഡലുമായ ആദിത്യ സോണിയാണ് ബിബിൻ ജോർജിന് പെയറായി ഫോട്ടോഷൂട്ടിൽ ഉള്ളത്. ഫേസ് ഓഫ് കേരള ഫൈനലിസ്റ്റ് ആയിരുന്നു 2016 ൽ ആദിത്യ സോണി. സെലിബ്രിറ്റി ഫോട്ടോഗ്രാഫർ ആയ അനുലാൽ ആണ് ഇരുവരുടെയും പുത്തൻ ചിത്രങ്ങൾ എടുത്തിരിക്കുന്നത്.

ബിബിൻ ഇൻസ്റ്റാഗ്രാം വഴി പങ്കു വെച്ച ചിത്രങ്ങൾക്ക് ഗംഭീര പ്രതികരണം ആണ് ഉള്ളത്. ബ്രോ ഗ്ലാമർ കൂടുന്നുണ്ടെന്ന് തോന്നുന്നു. ഒന്ന് സൂക്ഷിക്കണം എന്നായിരുന്നു ഒരു കമന്റ്.

മികച്ച ചിത്രങ്ങൾ സഹോദര എന്നാണ് ബിഗ് ബോസ് താരം ഷിയാസ് കരീം കമന്റ് ചെയ്തത്. എന്തായാലും വമ്പൻ സ്റ്റൈലിഷ് ലുക്കിലാണ് ബിബിൻ ജോർജിന്റെ പുത്തൻ ഫോട്ടോസ്..