ഒടിയൻ ആപ്പിക്കേഷന് വമ്പൻ വരവേൽപ്പ്; ഒടിയൻ ഗെയിം വരുന്നു..!!

29

കഴിഞ്ഞ ദിവസം മോഹൻലാൽ തൻെറ ഓഫീഷ്യൽ ഫേസ്‍ബുക്ക് പേജിലൂടെയാണ് ഒടിയൻ മാണിക്യന്റെ വിശേഷങ്ങൾ അറിയുന്ന മൊബൈൽ ആപ്ലിക്കേഷൻ വരുന്ന വിവരം അറിയിച്ചത്. ഇന്ന് റിലീസ് ചെയ്ത ആപ്പിക്കേഷനു വമ്പൻ വരവേൽപ്പ് തന്നെയാണ് ആരാധകർ നടത്തിയത്. ഒരു മണിക്കൂർ കൊണ്ട് ഒരു ലക്ഷം ഡൗണ്ലോഡ് നടന്ന ആപ്പിക്കേഷനിലേക്ക് ആരാധകർ തള്ളിക്കയറിയതോടെ ആപ്പിക്കേഷൻ ആദ്യ മണിക്കൂറിൽ തന്നെ പ്രവർത്തന രഹിതമായി.

സെർവറിന് താങ്ങാൻ കഴിയുന്നതിനെക്കാൾ കൂടതൽ ആളുകൾ കയറിയത് മൂലമാണ് ഇങ്ങനെ സംഭവിച്ചത് എന്നും ഒരു മിനിറ്റിൽ 300 ലേറെ ആളുകൾ ആണ് ആപ്പ് ഡൗൺലോഡ് ചെയ്തത് എന്നും തകരാറുകൾ ഉടൻ പരിഹരിക്കും എന്നും ചിത്രത്തിന്റെ സംവിധായകൻ ശ്രീകുമാർ മേനോൻ അറിയിച്ചു.

ഒടിയൻ ഗെയിം ഉടൻ തന്നെ എത്തും എന്നാണ് അറിയാൻ കഴിയുന്നത്, ആപ്പിക്കേഷനിൽ തന്നെയാണ് ഒടിയൻ ഗെയിം എന്ന ഓപ്‌ഷനും നല്കിയിരിക്കുന്നത്.

ആശിർവാദ് സിനിമാസിന്റെ ബനറിൽ ആന്റണി പെരുമ്പാവൂർ നിർമ്മിക്കുന്ന ചിത്രത്തിന്റെ ആക്ഷൻ രംഗങ്ങൾ ചെയ്യുന്നത് പീറ്റർ ഹെയ്ൻ ആണ്. മഞ്ജു വാര്യർ ആണ് മോഹൻലാലിന്റെ നായികയായി എത്തുന്നത്, പ്രകാശ് രാജ്, നരേൻ, ഇന്നസെന്റ് എന്നിവരും പ്രധാന വേഷങ്ങൾ ചെയ്യുന്നു..