വർക്കലയിൽ രണ്ട് വയസ്സുകാരനോട് ചെയ്‌തത്‌ സമാനതകൾ ഇല്ലാത്ത ക്രൂരത; പോസ്റ്റുമോർട്ടം റിപ്പോർട്ട് ഞെട്ടിക്കുന്നത്..!!

വർക്കലയിൽ കൊല്ലപ്പെട്ട രണ്ടര വയസ്സുകാരനെ ഉപദ്രവിച്ചത് അറുപത് ദിവസത്തിലേറെ. ക്രൂരമായ പീഡനങ്ങൾ ആണ് കുട്ടിയോട് നടത്തിയത് എന്നാണ് പോസ്റ്റുമോർട്ടം റിപോർട്ട് തെളിയിക്കുന്നത്. ക്രൂരമായ ഉപദ്രവത്തിൽ ചെറുകുടൽ തകർന്നിട്ടും കുട്ടിക്ക് ചികിൽസ നൽകാൻ അമ്മയും കാമുകനും തയ്യാറായില്ല.

വർക്കലയിൽ ഉത്തരയും കാമുകൻ റെജീഷും ചേർന്നാണ് രണ്ടര വയസ്സുള്ള ഏകലവ്യനെ ക്രൂരമായ പീഡിപ്പിച്ചത്, വേണ്ടത്ര ചികിൽസ നൽകാത്തത് മൂലമാണ് കുട്ടി ശനിയാഴ്ച മരിച്ചത്. ആദ്യ ഭർത്താവുമായി വേര്പിരിഞ്ഞത് മുതൽ ഉത്തരയും കാമുകനും ഈ വാടക വീട്ടിൽ കഴിയുന്നത്, വാടക വീട്ടിൽ എത്തിയത് മുതൽ ആദ്യ ഭർത്താവ് മനുരാജിനോടുള്ള ദേഷ്യം കുട്ടിയെ പുറത്ത് വടികൊണ്ട് അടിച്ചും തല്ലിയും തീർക്കുകയായിരുന്നു.

കുട്ടിയെ തലയിൽ പിടിച്ചു നിലത്തും ഭിത്തിയിലും അടിക്കുകയും ക്രൂരമായി തല്ലുകയും അവശ നിലയിൽ ആയ കുട്ടിയെ വെള്ളിയാഴ്ച ആശുപത്രിയിൽ പ്രവേശിപ്പിച്ചു, കുട്ടിക്ക് വയർ ഇളക്കം ആന്നെന്നാണ് ആശുപത്രിയിൽ ധരിപ്പിച്ചത്, എന്നാൽ മലത്തോടൊപ്പം പഴുപ്പ് കൂടി വരുന്നത് കണ്ടപ്പോൾ കുട്ടിയെ മെഡിക്കൽ കോളേജിൽ കൊണ്ട് പോകാൻ നിർദ്ദേശം നൽകി എങ്കിലും ഇരുവരും കുട്ടിയെ വീട്ടിലേക്ക് കൊണ്ടു പോകുകയും ഗ്ലൂക്കോസ് വെള്ളം നൽകും ചെയ്തു, പിന്നീട് വൈകിട്ടോടെ കുട്ടിയെ മെഡിക്കൽ കോളേജിലേക്ക് കൊണ്ടുപോയി എങ്കിലും കുട്ടി വഴി മദ്ധ്യേ മരിക്കുകയായിരുന്നു.

പോലീസ് ചോദ്യം ചെയ്യലിൽ ആദ്യം കുട്ടി വീണ് പരിക്കേറ്റത് ആന്നെന്നാണ് പറഞ്ഞത് എങ്കിലും പോസ്റ്റുമോർട്ടം റിപ്പോർട്ട് വന്നത് കൂടി സത്യങ്ങളുടെ ചുരുൾ അഴിയുകയായിരുന്നു.