ലോറി ഡ്രൈവറുടെ ശല്യം മൂലം എട്ട് കുട്ടികളുടെ അമ്മയായ മലയാളി യുവതി ആത്മഹത്യ ചെയ്തു; ആത്മഹത്യ കുറിപ്പ് ഇങ്ങനെ..!!

എട്ട് കുട്ടികളുടെ അമ്മയായ മലയാളി യുവതി കൊടൈക്കനാലിൽ പ്രദേശത്തെ വെള്ളം ലോറിക്കാരന്റെ ഉപദ്രവം സഹിക്കാൻ കഴിയാതെ ആത്മഹത്യ ചെയ്തു.

കൊടൈക്കനാൽ എം എം സ്ട്രീറ്റ് പാസം ട്രസ്റ്റിന് സമീപം വാടകവീട്ടിൽ താമസിക്കുന്ന മാഹി കാനോത്ത് വിട്ടിൽ എൻ കെ ഷാജിന്‍റെ ഭാര്യ രോഹിണി നമ്പ്യാരാ(44)ണ് വ്യാഴാഴ്ച രാത്രി വീട്ടില്‍ തൂങ്ങി മരിച്ചത്. മരണത്തിൽ ദുരൂഹത ഉണ്ടെന്ന് ആരോപിച്ചു സ്ത്രീകൾ അടങ്ങുന്ന വലിയ സംഘം റോഡ് ഉപരോധിച്ചു.

തന്റെ ചിത ഭർത്താവ് തന്നെ തീ കൊളുത്തണം എന്നും തന്റെ കൊടൈക്കനാലിൽ തന്നെ അടക്കിയാൽ മതി എന്നും തന്റെ മരണത്തിന് കാരണം വെള്ളം ലോറി ഡ്രൈവറായ ജയശീലൻ ആന്നെന്നും യുവതി ആത്മഹത്യ കുറിപ്പിൽ പറയുന്നു.

മരണ വിവരവും ആത്‍മഹത്യ കുറിപ്പും കണ്ടെത്തിയതോടെ പ്രതിയെ അറസ്റ്റ് ചെയ്തതിന് ശേഷം മാത്രമേ മൃതദേഹം ദഹിപ്പിക്കൂ എന്ന് നാട്ടുകാർ വമ്പൻ പ്രതിഷേധം തന്നെയാണ് നടത്തിയത്.

ഈ ലോറിയെ ഡ്രൈവറെ കുറിച്ച് രോഹിണി പോലിസിൽ പരാതി നൽകിയിരുന്നു എങ്കിലും പോലീസ് വേണ്ടത്ര നടപടി എടുത്തില്ല. തുടർന്ന് മരണത്തിൽ ദുരൂഹത ഉണ്ടന്ന് കാണിച്ചും വിശദമായ അന്വേഷണം വേണം എന്നും കാണിച്ച് രോഹിണിയുടെ ഭർത്താവ് എൻ കെ ഷാജ് തമിഴ്‌നാട് ഡിജിപിക്ക് പരാതി നൽകി.

സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. ദശരഥ് സാഗർനരിമാൻ, ഹിന്ദ്‌സൂരജ് നരസിംഹൻ, റാംസപ്‌തേശ്വർ ഋഗ്വേദ്, മയ്യഴി സ്വാതിസൻസ്‌കൃത, ദ്രുപദ് സന്യാസ് രക്ഷാബന്ധൻ, ഒക്ടേവിയൻ സംവിദ് ഋതധ്യുമ്‌നൻ, ഋതുസംയൂജ് ഏർലിമാൻ, യാരിയ സംഗീത് നിരഞ്ജൻ എന്നിവരാണ് മക്കൾ.