രേഷ്മയെയും ഷനിലയെയും നീലിമലയിൽ തടഞ്ഞത്, തമിഴ്, ആന്ധ്രാ ഭക്തർ; തടഞ്ഞത് കുട്ടികൾ അടങ്ങുന്ന സംഘം..!!

മകരവിളക്ക് കഴിഞ്ഞ ഏറെ താമസിക്കാതെ ആണ് നവോഥാന കേരളം ശബരിമലയിലേക്ക് എന്ന ഫേസ്ബുക്ക് കൂട്ടായ്മയുടെ ആളുകളുടെ നേതൃത്വത്തിൽ രേഷ്മയും ഷനിലയും അടങ്ങുന്ന സംഘം ശബരിമലയിൽ ദർശനം നടത്താൻ എത്തിയത്.

നേരത്തെ യുവതികൾ എത്തുമ്പോൾ വാർത്തകൾ നേരത്തെ വെളിയിൽ വരുന്നത് മൂലം, പോലീസ് കൂടുതൽ ജാഗ്രതയോടെയാണ് ഇരുവരുടെയും ദർശനത്തിനായി കൊണ്ടുപോയത്. എന്നാൽ യാത്ര മദ്ധ്യേ ഇരുവരെയും തീർഥാടകർ തിരിച്ചറിയുകയായിരുന്നു.

മകരവിളക്കിനോട് അനുബന്ധിച്ച് എത്തിയ അന്യ സംസ്ഥാന തീർഥാടകർ ആണ് ഇവരെ തടഞ്ഞത്, പോലീസ് ആദ്യം ഇവരെ ഒഴിപ്പിച്ചു എങ്കിൽ കൂടിയും നീലിമലയിൽ എത്തിയപ്പോൾ വലിയ കൂട്ടം ഇവരെ തടയുകയായിരുന്നു.

ഇതിന് മുമ്പ് ദർശനത്തിന് എത്തിയപ്പോൾ എല്ലാം യുവതികളെ തടയാൻ മുന്നിൽ നിന്നതു മലയാളികൾ ആയിരുന്നു എങ്കിൽ ഇത്തവണ സ്ഥിതിഗതികൾ കണ്ട് പോലീസ് വരെ അമ്പരന്നു എന്നാണ് റിപ്പോർട്ടുകൾ.

ആന്ധ്രയിൽ നിന്നും തമിഴ്നാട്ടിൽ നിന്നും ഉള്ള കുട്ടികൾ അടങ്ങുന്ന സംഘമാണ് യുവതികളെ നീലിമലയിൽ തടഞ്ഞത്. മൂന്ന് മണിക്കൂറോളം നീലിമലയിൽ ചിലവഴിച്ച യുവതികൾ ദർശനം വേണ്ട എന്ന് വെച്ചു മടങ്ങുകയായിരുന്നു.