കെടിഎസ് പടന്നയിൽ അന്തരിച്ചു; അഭിനയം ജീവിത വായുവും പെട്ടിക്കട ജീവിത മാർഗവും..!!

പ്രശസ്ത നാടക നടനും സിനിമ താരവുമായ കെടിഎസ് പടന്നയിൽ അന്തരിച്ചു. 88 വയസായിരുന്നു.

വാർധക്യ സഹജമായ അസുഖങ്ങളെ തുടർന്ന് കടവന്ത്ര രാജീവ് ഗാന്ധി ആശുപത്രിയിലായിരുന്നു അന്ത്യം. കെടി സുബ്രഹ്മണ്യൻ പടന്നയിൽ എന്നാണ് ഇദ്ദേഹത്തിന്റെ യഥാർത്ഥ പേര്.

ഏഴാം ക്ലാസിൽ പഠിക്കുമ്പോൾ വീട്ടിലെ സാമ്പത്തിക പരാധീനതകളെ തുടർന്നാണ് പടന്നയിൽ നാടകവേദികളിലെത്തുന്നത്.

പിന്നീട് അഭിനയരംഗത്ത് പ്രശസ്തനായതോടെ സിനിമയിലേക്ക് രംഗപ്രവേശം ചെയ്യുകയായിരുന്നു. സിനിമാ നടനായിരിക്കുമ്പോഴും തൃപ്പൂണിത്തുറ കണ്ണംകുളങ്ങരയിൽ കെടിഎസ് പടന്ന ചെറിയ പെട്ടിക്കട നടത്തിവന്നിരുന്നു. ഇന്നും ആ കടഉണ്ട്.

ആദ്യത്തെ കണ്മണി, ശ്രീകൃഷ്ണപുരത്തെ നക്ഷത്രത്തിളക്കം, കുഞ്ഞിരാമായണം, അനിയൻ ബാവ ചേട്ടൻ ബാവ, അമർ അക്ബർ അന്തോണി, തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്.