പ്രിയന്റെ ലൊക്കേഷനിൽ വെച്ച് വീണ്ടും പത്മ പുരസ്‌കാരം; സന്തോഷം പങ്കുവെച്ച് മോഹൻലാൽ..!!

46

ഇന്ത്യൻ സിനിമയിൽ കൊച്ചു കേരളവും മോളിവുഡ് ഒക്കെ ചെറിയ സിനിമ ലോകവും ആയിരിക്കും, പക്ഷെ അഭിനയ വിസ്മയങ്ങളുടെ പറുദീസയാണ് കേരളം. കഴിഞ്ഞ നാപ്പത് വർഷമായി മലയാള സിനിമയുടെ നെടുംതൂണായി നിൽക്കുന്ന നടനാണ് മോഹൻലാൽ, ഇത് രണ്ടാം തവണയാണ് പത്മ പുരസ്‌കാരം നൽകി രാജ്യം മോഹൻലാലിനെ ആദരിക്കുന്നത്.

2001ൽ പത്മശ്രീ കിട്ടുന്നതും ഇപ്പോൾ പത്മവിഭൂഷൺ കിട്ടുമ്പോഴും താൻ പ്രിയദർശന്റെ ഹൈദരാബാദിലെ സെറ്റിലായിരുന്നുവെന്ന് മോഹൻലാൽ പറയുന്നു.

സ്നേഹിച്ച് വളര്‍ത്തിയ പ്രേക്ഷകര്‍ക്കും സര്‍ക്കാരിനും നന്ദിയെന്നും അദ്ദേഹം കൂട്ടിച്ചേർത്തു. പ്രിയദർശൻ മോഹൻലാൽ ടീമിന്റെ ബിഗ് ബജറ്റ് ചിത്രം ‘മരക്കാർ അറബിക്കടലിന്റെ സിംഹം’ എന്ന ചിത്രത്തിന്റെ ഷൂട്ടിങ് സെറ്റിലാണ് ഇപ്പോൾ മോഹൻലാൽ. രണ്ടുതവണ മികച്ച നടനുള്ള പുരസ്കാരമടക്കം അഞ്ചുതവണ ദേശീയ പുരസ്കാരവും അദ്ദേഹം സ്വന്തമാക്കിയിട്ടുണ്ട്. കൂടാതെ ഏറ്റവും അധികം മികച്ച നടനുള്ള സംസ്ഥാന ചലചിത്ര പുരസ്‌കാരവും നേടിയത് മലയാളികളുടെ സ്വന്തം ലാലേട്ടന് തന്നെ.

https://youtu.be/riR9nvDgvPY