കായംകുളം കൊച്ചുണ്ണിയുടെ 100 ദിന ആഘോഷത്തിൽ വമ്പൻ പ്രഖ്യാപനവുമായി ജീത്തു ജോസഫ്. ദൃശ്യം പോലെ മലയാള സിനിമയെ 50 കോടി സ്വപ്നം കാണാൻ പഠിപ്പിച്ച ചിത്രത്തിന് ശേഷം മോഹൻലാൽ ജീത്തു ജോസഫ് കോമ്പിനേഷൻ വീണ്ടും ഒന്നിക്കുന്നു.

ജീത്തു ജോസഫ് മാത്രമല്ല കൂടെ മലയാള സിനിമയിലെ തീപ്പൊരി സിനിമകളുടെ തിരക്കഥാകൃത്താണ് രഞ്ജി പണിക്കർ തന്നെയാണ് തിരക്കഥ എഴുതുന്നു എന്ന പ്രത്യേകതയും ഉണ്ട്.

ഡോക്ടർ പശുപതിയിൽ തുടങ്ങി ലേലവും പത്രവും കിങ്ങും കമ്മീഷണറും പ്രജയും ഒക്കെ നമുക്ക് തന്നെ രഞ്ജി പണിക്കർ വീണ്ടും ഒരു ചിത്രത്തിന് വേണ്ടി കഥയും തിരക്കഥയും ഒരുക്കാൻ ഒരുങ്ങുകയാണ്.

അതിനൊപ്പം ദൃശ്യവും ആദിയും മെമ്മറീസും ഒക്കെ നമുക്ക് സമ്മാനിച്ച ജീത്തു ജോസഫ് കൂടി ഒന്നിക്കുമ്പോൾ തീപാറും എന്നുള്ള കാര്യം ഉറപ്പ്.

ഫെഫ്കയും റൈറ്റേഴ്‌സ് യൂണിയനും ചേർന്നൊരുക്കുന്ന ചിത്രത്തിന് വേണ്ടിയാണ് ഇരുവരും ഒന്നിക്കുന്നത്. ഫെഫ്കയിലെ മെംബേഴ്സിന് വേണ്ടിയുള്ള ധന സമാഹാരണത്തിന്റെ ഭാഗമായി ആണ് ചിത്രം ഒരുക്കുന്നത് എന്നാണ് റിപ്പോർട്ടുകൾ.

കുറെ കാലങ്ങളായ അഭിനയത്തിൽ ശ്രദ്ധ കേന്ദ്രീകരിച്ചിരിക്കുന്ന രഞ്ജി പണിക്കർ വീണ്ടും തിരക്കഥ എഴുതുമ്പോൾ, ട്വന്റി ട്വന്റി ചിത്രം പോലെ ഒരു ചിത്രമായിരിക്കും ഫെഫ്‌ക ഒരുക്കുന്നത് എന്നാണ് അറിയുന്നത്.

ജീത്തു ജോസഫ് കാളിദാസ് ജയറാമിനെ നായകനാക്കി ഒരുക്കുന്ന മിസ്റ്റർ ആൻഡ് മിസ്സിസ് റൗഡി ഫെബ്രുവരി 22ന് തീയറ്ററുകളിൽ എത്തും. മോഹൻലാൽ ഇപ്പോൾ പ്രിയദർശൻ സംവിധാനം ചെയ്യുന്ന മരക്കാർ അറബിക്കടലിന്റെ സിംഹം എന്ന ചിത്രത്തിന്റെ ഷൂട്ടിങ് ലൊക്കേഷനിൽ ആണ്. കായംകുളം കൊച്ചുണ്ണിയുടെ നൂറാം ദിനാഘോഷ വേളയിൽ ആണ് ജീത്തു ജോസഫ് ഈ വമ്പൻ പ്രഖ്യാപനം നടത്തിയിരിക്കുന്നത്.

എനിക്ക് അറിയാവുന്ന തൊഴിൽ ഞാൻ ചെയ്യുന്നു, രാഷ്ട്രീയത്തിലേക്ക് ഇല്ല; വിവാദങ്ങൾക്ക് മറുപടി നൽകി മോഹൻലാൽ..!!

മോഹൻലാൽ ചിത്രങ്ങളിൽ എനിക്കൊരു വേഷം ഉറപ്പാണ്, നന്ദിയല്ല തിരിച്ചുള്ളത് സ്നേഹം; ടി പി മാധവൻ..!!