ആദ്യ ചോദ്യങ്ങൾക്ക് മുന്നിൽ നാണക്കേട് തോന്നിയിട്ടുണ്ട്; സിനിമയിൽ നിന്നുള്ള സുഹൃത്ത് ദിലീപേട്ടൻ മാത്രമാണ്; മീര ജാസ്മിൻ..!!

120

മലയാളത്തിൽ മികച്ച അഭിനേതാക്കളുടെ നിരയിൽ മുന്നിൽ തന്നെയുള്ള താരമാണ് മീര ജാസ്മിൻ. തനിക്ക് സിനിമ അധികം സുഹൃത്തുക്കൾ ഇല്ല എന്ന് മീര ജാസ്മിൻ പറയുന്നു. മലയാളത്തിൽ കൂടി എത്തിയ താരം തമിഴിലും തെലുങ്കിലും കന്നടയിലും അഭിനയിച്ചിട്ടുണ്ട്.

ഒരു വട്ടം ദേശിയ അവാർഡും രണ്ട് വട്ടം കേരള സംസ്ഥാന അവാർഡും മികച്ച നടിക്കുള്ളത് നേടിയിട്ടുണ്ട് മീര ജാസ്മിൻ. ദിലീപ് ചിത്രം സൂത്രധാരനിൽ കൂടി ആണ് മീര അഭിനയ ലോകത്തിൽ എത്തുന്നത്. ലോഹിതദാസ് സംവിധാനം ചെയ്ത ചിത്രത്തിൽ ശിവാനി എന്ന വേഷത്തിൽ ആണ് താരം എത്തിയത്.

ഇടക്കാലത്തിൽ സത്യൻ അന്തിക്കാട് ചിത്രങ്ങളിൽ സ്ഥിരം നായികയായി തിളങ്ങിയ മീര വീണ്ടും തിരിച്ചു എത്തുന്നത് സത്യൻ അന്തിക്കാട് ചിത്രത്തിൽ കൂടി ആണ്. ജാസ്മിൻ എന്നായിരുന്നു മീരയുടെ യഥാർത്ഥ പേര്. ലോഹിത ദാസ് ആണ് മീര ജാസ്മിൻ എന്ന പേര് നൽകിയത്.

വിവാഹം കഴിഞ്ഞതോടെ അഭിനയ ലോകത്തിൽ നിന്നും അപ്രത്യക്ഷമായ മീര വീണ്ടും എത്തുകയാണ്. ഇന്നത്തെ താരങ്ങൾ വിവാഹം കഴിഞ്ഞാലും സോഷ്യൽ മീഡിയയിൽ എങ്കിലും സജീവമായി നിൽക്കുമ്പോൾ മീര ജാസ്മിൻ സോഷ്യൽ മീഡിയയിൽ പോലും ഉണ്ടായിരുന്നില്ല.

Meera jasmin

ഇപ്പോൾ മീര തന്റെ അഭിനയ ജീവിതത്തെ കുറിച്ച് പറഞ്ഞ വാക്കുകൾ ആണ് വൈറൽ ആകുന്നത്. ചില സിനിമകളുടെ പുറകെ പോയി ഒരു പത്ത് വർഷം കളഞ്ഞു എന്ന് വിശ്വസിക്കുന്നുണ്ടോ എന്ന ചോദ്യത്തിന് താരം നൽകിയ മറുപടി ഇങ്ങനെ..

അങ്ങനെ പറയില്ല പക്ഷേ എന്റെ മനസ്സിലുള്ള സിനിമകൾ എനിക്ക് ചെയ്യാൻ കഴിഞ്ഞിട്ടില്ല എന്നതാണ് ശരി. എന്റെ ജീവിതത്തിൽ എന്തൊക്കെ സംഭവിച്ചു , അത് കരിയർ ആണെങ്കിലും അതെന്റെ സ്വാകാര്യ ജീവിതത്തിൽ ആണെങ്കിലും എനിക്ക് യാതൊരു പശ്ചാത്താപവും ഇല്ല മീര പറഞ്ഞു.

ഒരു സിനിമ ചെയ്തു കഴിഞ്ഞാൽ ഉടനെ തന്നെ ഇനി അടുത്ത സിനിമ ഏതാണ് എന്ന ചോദ്യങ്ങൾ കേൾക്കുമ്പോൾ ഒരുപാട് സമ്മർദ്ദം ഉണ്ടായതായി തോന്നിയിട്ടുണ്ട്. അതുപോലെ സിനിമ ഇല്ലെന്നു പറയാൻ ഒരു നാണക്കേട് ഉണ്ടായിരുന്നു. എന്നാൽ അത് തീർത്തും തെറ്റാണ്.

ഞാൻ എന്റെ ജീവിതത്തിലേക്ക് തിരിച്ചു പോകുകയാണെങ്കിൽ തിരുത്തുന്നത് ആ വലിയ തെറ്റായിരിക്കും എന്ന് നടി പറയുന്നു. ഒരു അഭിനേതാവിനെ സംബന്ധിച്ച് അത്തരം ചിന്തയുടെ ആവശ്യമില്ല മീര കൂട്ടിച്ചേർത്തു. അതേസമയം തനിക്ക് സിനിമയിൽ അത്ര വലിയ സുഹൃത്തുക്കളൊന്നും ഇല്ലെന്നും , ഉണ്ടെന്നു പറഞ്ഞാൽ അത് ദിലീപേട്ടൻ ആണെന്നും താരം പറഞ്ഞു.