മമ്മൂട്ടിയെ അങ്ങനെ കണ്ടപ്പോൾ സണ്ണി ലിയോണിന്റെ ചുണ്ടുകൾ വിറക്കുകയായിരുന്നു; തിരക്കഥാകൃത്തിന്റെ വെളിപ്പെടുത്തൽ..!!

വിഷു ആഘോഷങ്ങളുടെ തിരക്കിലേക്ക് കടക്കാൻ ഇനി ദിവസങ്ങൾ മാത്രം ബാക്കി നിൽക്കെ, മലയാളികളുടെ നിത്യ ഹരിത നായകൻ മമ്മൂട്ടി നായകനായി എത്തുന്ന പോക്കിരിരാജ രാജയുടെ രണ്ടാം ഭാഗം മധുരരാജ എത്തുകയാണ്. പോക്കിരിരാജയിൽ മമ്മൂട്ടിക്ക് ഒപ്പം, പൃഥ്വിരാജ്, ശ്രേയ സരൻ എന്നിവർ ആയിരുന്നു ഉണ്ടായിരുന്നത് എങ്കിൽ, മധുരരാജയിലേക്ക് എത്തുമ്പോൾ, തമിഴ് താരം, ജയ്, സണ്ണി ലിയോൺ എന്നിവർ ആണ് ഹൈ ലൈറ്റ്.

കേരളക്കരയിൽ വമ്പൻ ആരാധകർ ഉള്ള നടിയാണ് സണ്ണി ലിയോൺ, സണ്ണി ആദ്യമായി മലയാളത്തിൽ എത്തുന്നു എന്നുള്ള പ്രത്യേകതയും മധുരരാജക്ക് ഉണ്ട്.

മധുരരാജയിൽ അഭിനയിക്കാൻ എത്തുന്നതിന് മുന്നേ തന്നെ, മമ്മൂട്ടി എന്ന നടനെ കുറിച്ച് വിവരങ്ങൾ ശേഖരിച്ചു വച്ചിരുന്നു സണ്ണി, ഭയങ്കര ചൂടൻ ആണെന്നും, സ്ത്രീകളോട് അടുപ്പം കാണിക്കാൻ താൽപ്പര്യം ഇല്ലാത്ത ആൾ ആണെന്നും ഒക്കെയാണ് സണ്ണിക്ക് ലഭിച്ചിരുന്ന വിവരം. അതുകൊണ്ട് തന്നെ അവർക്ക് മമ്മൂട്ടി തന്നോട് എങ്ങനെ ആയിരിക്കും എന്നുള്ള ഭയം ഉണ്ടായിരുന്നു.

മധുരരാജയിൽ ഒരു ഐറ്റം സോങ് ഉണ്ടെന്നുള്ളത് നേരത്തെ തീരുമാനിച്ച വിഷയം ആണെന്നും അതിൽ ആരാണെന്ന് ഉള്ള ചർച്ചയിൽ ആണ് സണ്ണി ലിയോണിന്റെ പേര് ഉയർന്നു വന്നത് എന്നും അങ്ങനെ അവരെ എത്തിക്കാൻ ശ്രമിക്കുക ആയിരുന്നു എന്നും, മമ്മൂക്ക എങ്ങനെ പ്രതികരിക്കും എന്നുള്ള പേടി ഉണ്ടായിരുന്നു എന്നും എന്നാൽ അദ്ദേഹത്തോട് പറഞ്ഞപ്പോൾ, അവർ ഒക്കെ നമ്മുടെ മലയാളത്തിൽ വരുമോ എന്നാണ് ഇക്ക ചോദിച്ചത് എന്നും ഉദയ്കൃഷ്ണ പറയുന്നു.

സണ്ണി ലിയോണിന്റെ ചിത്രീകരണം നടക്കുന്ന രണ്ടാം ദിവസം ആണ് മമ്മൂക്ക ലൊക്കേഷനിൽ അതും 25 പവന്‍ തൂക്കം വരുന്ന സ്വര്‍ണമാലയും സിംഹത്തല കൊത്തിയ വളയും കപ്പട മീശയും എല്ലാംകൂടി ഒരു രാജാപ്പാട്ട് ലുക്കില്‍.

മമ്മൂട്ടിയെ കണ്ട മാത്രയില്‍ അവരുടെ കാലുരണ്ടും കൂട്ടിയിടിക്കാന്‍ തുടങ്ങി. അദ്ദേഹം അടുത്തേക്കു വന്ന് ഹലോ എന്നു പറഞ്ഞപ്പോള്‍, മറുപടി പറയാനാവാതെ അവരുടെ ചുണ്ടുകള്‍ വിറയ്ക്കുന്നത് ഞങ്ങള്‍ക്ക് കാണാമായിരുന്നു. പിന്നീട് ഞങ്ങളൊക്കെ മമ്മുക്കയോട് അടുത്തിടപഴകുന്നത് കണ്ടപ്പോഴാണ് അവരുടെ പേടി പോയതെന്നും അദ്ദേഹം പറയുന്നു.

പുലിമുരുകൻ എന്ന ചിത്രത്തിന് ശേഷം, വൈശാഖ് ഉദായകൃഷ്ണ പീറ്റർ ഹെയ്ൻ കൊമ്പിനേഷനിൽ എത്തുന്ന ചിത്രമാണ് മധുരരാജ. ഏപ്രിൽ 12ന് ആണ് ചിത്രം തീയറ്ററുകളിൽ എത്തുന്നത്.