ചുമ്മാ ഒരു കല്ല് വെച്ചു, ഇലയിൽ നാല് രൂപയും; ഭക്തി തലക്ക് പിടിച്ചവർ ചെയ്തത് ഇങ്ങനെ; കുറിപ്പ് വൈറൽ ആകുന്നു..!!

മത ഭാന്ത്രന്മാരുടെ നാടായി കേരളം മാറിയിട്ട്, കാലം കുറെ ആയി, ഭക്തിയുടെ പേരിൽ ചെയ്ത് കൂട്ടുന്നത് ആരെയും ഞെട്ടിക്കുന്ന കാര്യങ്ങൾ തന്നെയാണ്. കുറച്ചു കാലങ്ങൾക്ക് മുമ്പാണ് തൊടുപുഴയിൽ ഒരു കുടുംബത്തിലെ കുട്ടി അടക്കം മൂന്ന് പേരെ ദിവ്യ ശക്തി ലഭിക്കുന്നതിന് വേണ്ടി കൂട്ടക്കൊല ചെയ്തത്. മതം ഏതായാലും അന്ധ വിശ്വാസങ്ങൾക്ക് വലിയ കുറവൊന്നും ഇല്ല.

ഇപ്പോഴിതാ ഫോട്ടോഗ്രാഫർ തനിക്ക് ഉണ്ടായ അനുഭവം വെളിപ്പെടുത്തുന്നതാണ് വൈറൽ ആയി കൊണ്ടിരിക്കുന്നത്. സുധീഷ് തട്ടേക്കാടിന്റെ പോസ്റ്റിന്റെ പൂർണ്ണ രൂപം ഇങ്ങനെ;

ഇന്ന് ഒരു ഗുഹയ്ക്ക് മുന്നിലായിരുന്നു പക്ഷി നിരീക്ഷണം മൂന്നു മണിയ്ക്കേ ഗുഹയ്ക്ക് മുന്നിൽ നിലയുറപ്പിച്ചതാണ്. കുറേ വെള്ളക്കാർ ഗുഹയ്ക്കകത്തേക്ക് നോക്കി നിൽക്കുന്നത് കണ്ട് ധാരാളം ടാക്സികൾ വന്ന് നിർത്തുന്നു.

എന്താണെന്ന ആകാംഷയിൽ അവർ ഹിന്ദിയിലും തമിഴിലും ചോദിക്കുന്നു. ചിലർക്ക് ഗുഹയ്ക്കുള്ളിൽ കയറണം, മറ്റു ചിലർക്ക് ഗുഹയുടെ മുന്നിൽ കയറി ഫോട്ടോ എടുക്കണം. പക്ഷികൾ ഗുഹക്കു മുന്നിലെ വെള്ളത്തിൽ കുളിക്കുന്നില്ല ആളുകളുടെ ബാഹുല്യം കൂടിയത് കൊണ്ട്. സായിപ്പൊക്കെ കലിച്ച് നിൽക്കുന്നു.

എന്താണൊരു വഴി. പിന്നെ ചെയ്തതാണ് ചിത്രത്തിൽ കാണുന്നത് ഒരു കല്ലെടുത്ത് കുത്തിവെച്ചു വട്ടയിലയിൽ കുറച്ച് കൊങ്ങിണിപ്പൂവും ഉമ്മത്തിന്റെ പൂവും വെച്ചു. പന്ത്രണ്ട് രൂപ നേർച്ചയുമിട്ടു, പിന്നെ എന്നെ അതിശയിപ്പിക്കുന്ന സംഭവങ്ങളായിരുന്നു. ഒരാന്ത്രക്കാരി 120 രൂപയിട്ട് അഞ്ച് ഏത്തമിട്ടിട്ട് ഏന്നോട് ഈ പ്രതിഷ്ട ഏതാണെന്ന് ചോദിച്ചു. പെട്ടന്ന് വായിൽ വന്നത് പരശുരാമൻ തപസിരുന്ന സ്ഥലമാണെന്നാണ്.

എന്തിനു പറയണു 4.30 മുതൽ 6 മണി വരെ ഭണ്ഡാരം വരവ് 374 രൂപ.
4 രൂപാ രാമനും കൊടുത്തു 370 രൂപ ഞാനുമെടുത്തു.

NB ഞാൻ പ്രതിഷ്ഠിച്ചത് എന്റെ പരശുരാമനെയാണ്.