15 ദിവസം പ്രായമുള്ള കുഞ്ഞിന്റെ ജീവൻ രക്ഷിക്കാൻ ശ്രമം; മംഗലാപുരത്ത് നിന്നും തിരുവനന്തപുരത്തെക്ക് പോകുന്ന ആംബുലൻസിന് വഴിയൊരുക്കാൻ അഭ്യർത്ഥന..!!

ഒരു കുരുന്നിന്റെ ജീവൻ രക്ഷിക്കാൻ ഉള്ള തീവ്ര ശ്രമത്തിൽ ആണ് ഒരു കൂട്ടം ആളുകൾ, അവർക്ക് എല്ലാവിധ സഹായങ്ങളും നല്കണം എന്നുള്ള അഭ്യര്ഥനയാണ് ഇപ്പോൾ വന്ന് കൊണ്ടിരിക്കുന്നത്.

കാസർകോട് ഉള്ള മിത്താഹ് സാനിയ ദമ്പതികളുടെ പതിനഞ്ച് ദിവസം മാത്രം പ്രായമുള്ള കുട്ടിയുടെ ഹൃദയ ശസ്‌ത്രക്രിയക്കായി മംഗലാപുരത്ത് നിന്നും തിരുവനന്തപുരതേക്ക് ഇന്ന് രാവിലെ കൊണ്ടു വരും.

രാവിലെ 10 മണിക്കാണ് ആംബുലൻസ് പുറപ്പെടുന്നത്, തിരുവനന്തപുരം ശ്രീചിത്രയിലേക്ക് ആണ് കുഞ്ഞിനെ ശസ്ത്രക്രിയക്കായി കൊണ്ടുവരുന്നത്.

KL-60 – J 7739 എന്ന നമ്പർ ആംബുലൻസിലാണ് കൊണ്ടുവരുന്നത്. മംഗലാപുരത്ത് നിന്ന് തിരുവനന്തപുരത്തേക്ക് ഏതാണ് 620 കിലോമീറ്റര്‍ ദൂരമുണ്ട്. ഇത്രയും ദൂരം സഞ്ചരിക്കാന്‍ ഏതാണ്ട് 15 മണിക്കൂറിന് മേലെ സമയമെടുക്കും. എന്നാല്‍ പത്ത് മുതല്‍ പന്ത്രണ്ട് വരെ മണിക്കൂറ് കൊണ്ട് കുഞ്ഞിനെ തിരുവനന്തപുരത്തെത്തിക്കാമെന്ന് കരുതുന്നതായി ചൈല്‍ഡ് പ്രോട്ടക്റ്റ് ടീം പറഞ്ഞു. ആംബുലന്‍സിന് വഴിയൊരുക്കാനായി ടീം അംഗങ്ങള്‍ റോഡുകളില്‍ ജാഗരൂഗരായി നിലകൊള്ളും. ഇവര്‍ക്കാവശ്യമായ സഹായങ്ങള്‍ ചെയ്ത് കൊടുക്കാന്‍ ജനങ്ങള്‍ തയ്യാറാകണമെന്നും ടീം അംഗങ്ങള്‍ അറിയിച്ചു.