അവൻ ഇന്നില്ല, പക്ഷെ മരണം വേർപെടുത്തിയാലും അവളുടെ പ്രണയം തീരില്ല; നീനു എത്തി കെവിന്റെ കുഴിമാടത്തിൽ ബർത്ത് ഡേ ആശംസകളുമായി..!!

2018 അവസാനിക്കാൻ ഇനി മണിക്കൂറുകൾ മാത്രമേ ബാക്കി ഉള്ളൂ, പക്ഷെ മലയാളികൾ ഒട്ടേറെ ചർച്ചയായ, അതിലേറെ മനസിനെ വേദനിപ്പിച്ച ഒട്ടേറെ സംഭവങ്ങളിലൂടെ കടന്നുപോയ വർഷം കൂടിയാണ് 2018. വരാപ്പുഴ കസ്റ്റഡി മരണം, കെവിന്റെ ദുരഭിമാന കൊല, പ്രളയം, ശബരിമല പ്രശ്നം, നെയ്യാറ്റിൻകരയിൽ പോലീസ് ഉദ്യോഗസ്ഥൻ വാഹനത്തിന് മുന്നിൽ തള്ളിയിട്ട് കൊന്ന സനൽ കുമാർ, അതേ പോലീസ് ഉദ്യോഗസ്ഥന്റെ ആത്മഹത്യ.

ഇതിൽ ഏറെ ചർച്ചയായ വിഷയമായിരുന്നു നീനുവിന്റെയും കെവിന്റെയും പ്രണയവും തുടർന്നുള്ള വിവാഹവും ആ വിവാഹത്തിൽ ഇഷ്ടമല്ലാത്ത നീനുവിന്റെ അച്ഛനും സഹോദരനും ചേർന്ന് കെവിനെ വീടാക്രമിച്ച് കടത്തിക്കൊണ്ടുപോയി കൊല ചെയ്തതും.

തന്റെ പ്രിയതമനെ കൊന്ന അച്ഛനെയും സഹോദരനെയും നീനു ഉപേക്ഷിച്ചു, അവൾ ഇപ്പോൾ കെവിന്റെ അച്ഛന്റെയും അമ്മയുടെയും ഒപ്പമാണ് താമസം. ഇന്നലെ കെവിന്റെ 24ആം ജന്മദിനമായിരുന്നു.

കഴിഞ്ഞ ജന്മദിനത്തിൽ “ഹാപ്പി ബർത്ത് ഡേ റ്റു യൂ”എന്ന് പറയാനും തന്റെ മാറിൽ ചേർത്ത് പിടിക്കാനും അവൻ ഉണ്ടായിരുന്നു, ഇന്നവനില്ല. എന്നാൽ അവൾ എത്തി, അവന്റെ കുഴിമാടത്തിൽ ചുവന്ന റോസാപുഷ്പങ്ങൾ വെക്കാനും, തന്റെ പ്രിയതമന് ജന്മദിനം ആശംസിക്കാനും, മരണം അവരെ വേര്പെടുത്തിയോ, ഇല്ലാന്നേ പറയാൻ കഴിയൂ.