ആ സീൻ കഴിഞ്ഞപ്പോൾ മോഹൻലാലിനെ കെട്ടിപ്പിടിച്ചു അമരീഷ് പുരി കരഞ്ഞു; പ്രിയദർശന്റെ വാക്കുകൾ ഇങ്ങനെ..!!

142

മോഹൻലാൽ എന്ന ലോകം അറിയുന്ന മലയാള നടനെ കുറിച്ച് എത്ര വിശേഷങ്ങൾ നൽകിയാലും കുറഞ്ഞു പോകില്ല എന്ന് നമ്മൾ ഓരോരുത്തർക്കും നന്നായി അറിയാവുന്ന കാര്യം തന്നെയാണ്.

തിരക്കഥയിൽ എന്ത് എഴുതി വെച്ചാലും അതുപോലെ തന്നെ ചെയ്യുന്ന നടൻ ഉണ്ടെങ്കിൽ അത് മോഹൻലാൽ ആണെന്ന് പ്രിയദർശൻ പറയുന്നു. കാലപാനി എന്ന ചിത്രം ചെയ്യുമ്പോൾ തനിക്ക് ഏറ്റവും മികച്ചത് ആക്കാൻ കഴിഞ്ഞത് സാബു സിറിൾ എന്ന കലാ സംവിധായകൻ കൂടി ഉള്ളത് കൊണ്ടാണ് എന്നാണ് പ്രിയൻ പറയുന്നത്.

മോഹൻലാൽ പ്രിയദർശൻ സാബു സിറിൾ എന്നീ കൊമ്പിനേഷനിൽ വീണ്ടും എത്തുകയാണ് മരക്കാർ അറബിക്കടലിന്റെ സിംഹം എന്ന ചരിത്ര സിനിമ. ദി ക്യൂവിന് നൽകിയ അഭിമുഖത്തിൽ ആണ് പ്രിയദർശൻ മനസ്സ് തുറന്നത്.

മോഹൻലാൽ തിരക്കഥയിൽ എന്ത് എഴുതി വെച്ചാലും അതുപോലെ ചെയ്യാൻ മനസ്സുള്ള നടൻ ആണെന്നും അതാണ് ഒരു സംവിധായകന്റെ വിജയം എന്നും അതുപോലെ, കാലപാനിയിൽ മോഹൻലാൽ അവതരിപ്പിച്ച കഥാപാത്രമായ ഗോവർഥൻ അമരീഷ് പുരിയുടെ കാലിൽ ഇട്ടിരിക്കുന്ന ഷൂ നക്കുന്ന ഒരു സീൻ ഉണ്ട്. ഈ സീൻ കഴിഞ്ഞപ്പോൾ മോഹൻലാലിനെ കെട്ടിപ്പിടിച്ച് അമരീഷ് പുരി കരഞ്ഞു എന്നും ലോകത്ത് മറ്റൊരു നടനും ഇങ്ങനെ ചെയ്യാൻ തയ്യാറാവില്ല എന്നും അദ്ദേഹം പറഞ്ഞു എന്ന് പ്രിയൻ ഓർത്തെടുക്കുന്നു.

എന്നാൽ ഈ സീനിൽ ഒരു അഡ്ജസ്റ്മെന്റും വേണ്ട താൻ തന്നെ ചെയ്യാം എന്നായിരുന്നു മോഹൻലാൽ പ്രിയദർശനോട് പറഞ്ഞത്. ഒരു സീൻ എന്താണെന്ന് വച്ചാൽ അതിന് വേണ്ടി മെലിയണോ, തടിക്കണോ, താടി വളർത്തണോ എന്ത് വേണമെങ്കിലും ചെയ്യാൻ തയ്യാറായ ആളാണ് ലാൽ.