ലൂസിഫർ എന്ന ചിത്രത്തിന്റെ വമ്പൻ വിജയത്തിന് ശേഷം മോഹൻലാലിനെ നായകനാക്കി ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ഒരുക്കുന്ന ചിത്രമാണ് ഇടയിമാണി മെയ്ഡ് ഇൻ ചൈന.

നവാഗതരായ ജിബിയും ജോജുവും ചേർന്ന് തിരക്കഥ എഴുതി സംവിധാനം ചെയ്യുന്ന ചിത്രത്തിൽ മോഹൻലാലിന്റെ നായികയായി എത്തുന്നത് ഹണി റോസ് ആണ്. തമിഴ് താരം രാധിക ശരത്കുമാർ ചിത്രത്തിൽ പ്രധാന വേഷത്തിൽ എത്തുന്നു.

ഓണം റിലീസ് ആയി എത്തുന്ന ചിത്രത്തിന്റെ ചൈന ഷെഡ്യൂൾ ചെയ്യുന്നതിനായി മോഹൻലാൽ ജൂലൈ ഒന്നിന് ചൈനയിലേക്ക് പറക്കും, 11ന് മോഹൻലാൽ ചൈന ഷെഡ്യൂളിന് ശേഷം തിരിച്ചു എത്തും. തുടർന്ന് മൂന്ന് ദിവസത്തെ ചിത്രീകരണത്തിന് ശേഷം ജൂലൈ 14ന് ചിത്രം പാക്കപ്പ് ആകും, ഇപ്പോൾ എറണാകുളം, ആലപ്പുഴ എന്നിവിടങ്ങളിൽ ആണ് ചിത്രീകരണം നടക്കുന്നത്.

ജൂലൈ 11ന് ആണ് മോഹൻലാലിനെ നായകനാക്കി സിദ്ദിഖ് സംവിധാനം ചെയ്യുന്ന ബിഗ് ബ്രദർ ചിത്രീകരണം ആരംഭിക്കുന്നത്, എന്നാൽ മോഹൻലാൽ പതിനാറാം തീയതി ആയിരിക്കും എത്തുക, എന്നാൽ ഒറ്റ ദിവസത്തെ അഭിനയത്തിന് ശേഷം മോഹൻലാൽ, കാപ്പാൻ, മരക്കാർ അറബിക്കടലിന്റെ സിംഹം എന്നിവയുടെ ഡബ്ബിങ് ചെയ്യും, തുടർന്ന് ആയിരിക്കും മോഹൻലാൽ വീണ്ടും ബിഗ് ബ്രദർ ലൊക്കേഷനിൽ എത്തുക.

ബിഗ് ബ്രദർ ചിത്രത്തിന്റെ ഷൂട്ടിംഗ് പൂർത്തിയാക്കിയ ശേഷം ആയിരിക്കും മോഹൻലാൽ സംവിധാനം ചെയ്യുന്ന ബറോസ് ചിത്രത്തിന്റെ ഷൂട്ടിങ് ആരംഭിക്കുക.