നിന്റെ മുഖത്ത് കുരുക്കൾ ആണ്, അഭിനയത്തിന് ചേരില്ല; എന്നാൽ ലാലേട്ടന്റെ വാക്കുകളും ആ സിനിമയുമാണ് എനിക്ക് പ്രചോദനമായി; സ്വാസിക..!!

മലയാളി ആയിട്ടുകൂടി സിനിമയിൽ തുടക്കം കുറിക്കുന്നത് തമിഴിൽ കൂടി ആയിരുന്നു. തുടർന്ന് മലയാളം സീരിയൽ രംഗത്ത് എത്തി എങ്കിൽ കൂടിയും സ്വാസിക വിജയ് എന്ന താരം ഇന്ന് മലയാള സിനിമയിൽ തിരക്കേറിയ അഭിനേതാവ് ആയി മാറിക്കഴിഞ്ഞു. ആദ്യ കാലങ്ങളിൽ തേപ്പുകാരിയായി ആണ് മലയാളം സിനിമയിൽ നിറഞ്ഞത് എങ്കിൽ പൊറിഞ്ചു മറിയം ജോസ് എന്ന ചിത്രത്തിൽ ജോസിന്റെ ഭാര്യയുടെ വേഷത്തിൽ എത്തി സ്വാസിക കസറി എന്ന് വേണം പറയാൻ.

എന്നാൽ സ്വാസിക എന്ന താരം ആദ്യം ശ്രദ്ധ നേടിയത് സീത എന്ന സീരിയലിൽ കൂടി ആയിരുന്നു. ആ ഒറ്റ സീരിയലിൽ കൂടി താരത്തിന് വമ്പൻ ആരാധകർ തന്നെ ഉണ്ടായി. കാമുകന്മാരെ പലപ്പോഴും തേക്കുന്ന താരമായി എത്തിയ സ്വാസികയെ മമ്മൂട്ടി പോലും തേപ്പുകാരി എന്നാണ് വിളിക്കുന്നത് തരാം നേരത്തെ തുറന്നു പറഞ്ഞിട്ടുണ്ട്. തമിഴിൽ തുടങ്ങിയ താരത്തിന് എന്നാൽ തമിഴിൽ ഒരു പ്രമുഖ നടിയുടെ ഷോയിൽ ആ നടിയിൽ നിന്നും മോശം അനുഭവം ഉണ്ടായ കാര്യം ഇപ്പോൾ തുറന്നു പറഞ്ഞിരിക്കുകയാണ്.

തമിഴിൽ സിനിമയിൽ അഭിനയിക്കുന്ന സമയത്താണ് താൻ ഒരു തമിഴ് ചാനലിന് അഭിമുഖം നൽകിയത്. അതിന്റെ അവതാരക അവിടുത്തെ ഒരു പ്രമുഖ നടിയായിരുന്നു. ഒരു നായികക്ക് വേണ്ടിയിരുന്ന മുഖമല്ല എന്റേത്. എന്റെ മൂക്ക് വലുതാണ് മുഖം മുഴുവനും കുരുക്കളാണ് ക്ലിയർ സ്കിൻ അല്ല അതുകൊണ്ട് തന്നെ പ്രേക്ഷകരെ പിടിച്ചിരുത്താൻ എനിക്ക് സാധിക്കില്ല എന്നാണ് അവർ പറഞ്ഞത്. അവരെപ്പോലെ ഒരു പ്രമുഖ നടി അങ്ങനെ പറഞ്ഞതുകൊണ്ട് തന്നെ അത് സത്യം ആയിരിക്കുമെന്ന് ഞാനും വിചാരിച്ചു. അത് എന്നെ വല്ലാതെ അലട്ടിക്കൊണ്ടിരുന്നു. മുഖത്തുള്ള കുരു ഇപ്പോഴും വിട്ടുപോയിട്ടില്ല പലരും ഇതേ പറ്റി എന്നോട് പറഞ്ഞിട്ടുണ്ട്.

ഞാൻ ചെയ്ത സിനിമയും സീരിയലും എല്ലാം ഈ മുഖക്കുരു കൊണ്ട് തന്നെയാണ് പൂർത്തിയാക്കിയത്. എന്നെങ്കിലും ആളുകൾ എന്റെ ഈ മുഖക്കുരു ഉള്ള മുഖം ഇഷ്ടപ്പെടുമെന്ന് ഞാൻ അപ്പോൾ വിചാരിച്ചു. ആ സമയത്താണ് പ്രേമം സിനിമ ഇറങ്ങിയത്. അതിൽ സായ് പല്ലവി എനിക്ക് വലിയ പ്രചോദനമായി. അതുപോലെ തന്നെ ലാലേട്ടന്റെ വാക്കുകൾ എനിക്ക് ഇന്നും ആത്മവിശ്വാസം നൽകുന്നതാണ്. നമ്മുടെ സൗന്ദര്യത്തിന് ഒരു പ്രാധാന്യവുമില്ല. ചെയ്യുന്ന കഥാപാത്രങ്ങളിലൂടെ ആളുകൾക്ക് നമ്മളോട് ഇഷ്ടം തോന്നുന്നതാണെന്ന് അദ്ദേഹം പറഞ്ഞിട്ടുണ്ട്.