നീണ്ട ഒമ്പത് വർഷമായി പ്രണയത്തിലാണ്; വിവാഹം പക്ഷെ ഇങ്ങനെ ആയിരിക്കും; സ്വാസിക..!!

മലയാള സിനിമയിലെ തേപ്പുകാരിയായി കട്ടപ്പനയിലെ ഋതിക് റോഷൻ എന്ന ചിത്രത്തിൽ കൂടി ശ്രദ്ധ നേടിയ താരം ആണ് സ്വാസിക. സിനിമയിൽ തേപ്പുകാരിയായ കാമുകനെ ചതിച്ച സ്വാസിക ജീവിതത്തിലും അങ്ങനെ ആകുമോ എന്നുള്ള ചോദ്യവുമായി ആണ് ആരാധകർ എത്തുന്നത്.

പ്രണയം ഉണ്ട് എന്നും ഒമ്പത് വർഷങ്ങൾ ആയി പ്രണയത്തിൽ ആണെന്നും പറഞ്ഞ സ്വാസിക എന്നാൽ വിവാഹം മാട്രിമോണിയിൽ കൂടി വീട്ടുകാർ ആലോചിച്ചു നടത്തും എന്ന് പറയുന്നു. ഒരേ സമയം വ്യത്യസ്തമായ ഈ ഉത്തരങ്ങൾ അല്ലെങ്കിൽ മറുപടികൾ പറയാൻ ഉള്ള കാരണം താരം തന്നെ പറയുകയും ചെയ്തു.

തമിഴിൽ തുടങ്ങി മലയാളം ടിവി സീരിയലുകളിൽ നായിക ആയി എവിടെ നിന്നും മലയാള സിനിമയിലെ തിരക്കേറിയ നായികയായി മാറിയയാളാണ് സ്വാസിക. അടുത്ത കാലത്തായി മലയാളത്തിന്റെ മസിലളിയനുമായി ചേർന്ന് ഗോസ്സിപ്പുകൾ കേട്ടിരുന്നു എങ്കിൽ കൂടിയും അതെല്ലാം സിനിമ നടിമാർക്കിടയിൽ സർവ്വ സാധാരണമായ വിഷയം എന്ന് പറഞ്ഞു താരം തന്നെ ചിരിച്ചു തള്ളിയിരുന്നു.

സ്വാസികയുടെ വിവാഹത്തെ കുറിച്ച് നടി അനു ജോസഫ് ചോദിച്ച ചോദ്യത്തിന് കഴിഞ്ഞ 9 വർഷമായി പ്രണയത്തിലാണ് എന്നാണ് സ്വാസിക കൊടുത്ത ഉത്തരം. നിമിഷ നേരം കൊണ്ട് അനു പങ്കുവെച്ച വീഡിയോ വൈറലാവുകയും ചെയ്തു ആരാധകർ കൂടുതൽ ചോദ്യങ്ങളുമായി മുന്നോട്ട് വരികയും ചെയ്തു.

എന്നാൽ 9 വർഷമായി പ്രണയത്തിലാണ് എന്നല്ലാതെ മറ്റൊരു വിവരങ്ങളും സ്വാസിക പറഞ്ഞിരുന്നില്ല. വിവാഹം അടുത്ത് തന്നെ വരുന്നുണ്ട്. മിക്കവാറും ഡിംസബറിലോ ജനുവരിയിലോ കാണുമെന്നാണ് എന്റെയൊരു നിഗമനം. ഡിസംബറിൽ വേണോ അതോ കുറേക്കൂടി വെയിറ്റ് ചെയ്ത് ജനുവരിയിൽ മതിയോ എന്ന ആലോചനയിലാണ്. നിങ്ങളെയൊക്കെ വിളിക്കേണ്ടേയെന്നുമായിരുന്നു സ്വാസിക ചോദിച്ചത്.

വിവാഹത്തെക്കുറിച്ചുള്ള സ്വാസികയുടെ ഈ വെളിപ്പെടുത്തൽ നിമിഷനേരം കൊണ്ടാണ് ശ്രദ്ധ നേടിയത്. എന്നാൽ 9 വർഷമായി പ്രണയത്തിലാണെന്ന് വെറുതെ തമാശ പറഞ്ഞതാണെന്നും വീട്ടുകാർ തീരുമാനിക്കുന്നത് ആളെയാകും കല്യണം കഴിക്കുന്നതെന്നും സ്വാസിക വ്യക്തമാക്കി. ‘എല്ലായ്‌പ്പോഴും പ്രണയത്തെക്കുറിച്ചുള്ള ചോദ്യങ്ങൾ ഉണ്ടാവാറുണ്ട്.

അങ്ങനെ ഒരു രസത്തിനായി പറഞ്ഞതാണ്. പ്രണയത്തിലാണെന്ന് പറഞ്ഞാൽ അതാരാണ് ഇയാളാണോ തുടങ്ങിയ ചോദ്യങ്ങളുണ്ടാവും. കുറേക്കേട്ട് കഴിയുമ്പോൾ അത് ഞാനങ്ങ് സമ്മതിക്കും. തമാശയ്ക്ക് വേണ്ടി പറഞ്ഞതാണ്’ എന്നാണ് സ്വാസികയുടെ മറുപടി. മാട്രിമോണിയിലൂടെ ആലോചനകൾ മുന്നോട്ട് പോകുന്നുണ്ടെന്നും ഒന്ന് രണ്ട് ആലോചനകൾ സജീവമാണെന്നും സ്വാസിക പറഞ്ഞു.

വിദേശത്തുള്ള അച്ഛൻ നാട്ടിലെത്തിയതിന് ശേഷമേ തീരുമാനം എടുക്കു എന്നുമായിരുന്നു മറ്റൊരു മാധ്യമത്തിന് നൽകിയ അഭിമുഖത്തിൽ സ്വാസിക വ്യക്തമാക്കിയത്. പ്രണയത്തിലാണോയെന്ന് ചോദിച്ചപ്പോഴുള്ള മറുപടി വൈറലായതിന് പിന്നാലെയായാണ് സ്വാസിക കാര്യങ്ങളെക്കുറിച്ച് വിശദീകരിച്ചത്.