എന്നെയൊന്ന് പ്രേമിച്ചൂടെ, എനിക്ക് നിഖിലയെ വിവാഹം കഴിക്കണം; അവർ സുന്ദരിയാണ്, കമ്മ്യൂണിസ്റ്റാണ്; സന്തോഷ് വർക്കി..!!

ആറാട്ട് എന്ന ചിത്രത്തിൽ കൂടി യഥാർത്ഥത്തിൽ നേട്ടം ഉണ്ടാക്കാൻ കഴിഞ്ഞത് മോഹൻലാലിനോ ബി ഉണ്ണി കൃഷ്ണനോ ആയിരുന്നില്ല. ചിത്രത്തിന്റെ റിവ്യൂ പറയുന്നതിന്റെ ഇടയിൽ ആറാടുകയാണ് എന്ന് പറഞ്ഞ സന്തോഷ് വർക്കിയാണ് ഇന്നും സോഷ്യൽ മീഡിയയിൽ ട്രെൻഡ് ആയി നിൽക്കുന്നത്.

നേരത്തെ നടി നിത്യ മേനോനെ വിവാഹം കഴിക്കാൻ ആഗ്രഹം ഉണ്ടെന്നും തനിക്ക് അവരോട് പ്രണയം ആണെന്നും അവരെ കാണാൻ പോയ കഥകൾ അടക്കം സന്തോഷ് വർക്കി പറഞ്ഞിരുന്നു. എന്നാൽ അതിന് ശേഷം നിത്യ മേനോനും ഈ വിഷയത്തിൽ രൂക്ഷമായ ഭാഷയിൽ പ്രതികരിച്ചിരുന്നു.

എല്ലാത്തിനും ശേഷം ഇപ്പോൾ നിഖില വിമലിനെ വിവാഹം കഴിക്കാൻ ആഗ്രഹമുണ്ടെന്ന് പറഞ്ഞു രംഗത്ത് വന്നിരിക്കുകയാണ് സന്തോഷ് വർക്കി. നിഖിലയുടെ അമ്മയുമായി താൻ സംസാരിച്ചുവെന്നും അതുപോലെ നിഖില വിമലിനോട് സംസാരിച്ചപ്പോൾ അവർക്ക് താല്പര്യമില്ല എന്ന് പറഞ്ഞുവെന്നും സന്തോഷ് വർക്കി പറയുന്നു.

നിഖില വിമൽ കണ്ണൂരുകാരിയാണ്, കമ്മ്യൂണിസ്റ്റ് കാരിയാണ്. ഞാനും കമ്മ്യൂണിസ്റ്റ് ആണ്. നല്ല നടിയാണ്. കാണാൻ നല്ല ഭംഗിയുണ്ട്. എനിക്ക് നിഖില വിമലിനെ ഇഷ്ടമാണ്. സന്തോഷ് വർക്കി പറയുന്നു. തുടർന്ന് താൻ ഫോൺ വിളിച്ചപ്പോൾ നിഖില നൽകിയ മറുപടിയെ കുറിച്ചും സന്തോഷ് വർക്കി പറയുന്നുണ്ട്.

താൻ ഫോൺ വിളിച്ചു സംസാരിച്ചു, ആറാട്ടണ്ണൻ ആണെന്ന് പറഞ്ഞു.. എന്നാൽ അറിയില്ല എന്നും താൻ യൂട്യൂബ് ഉപയോഗിക്കാറില്ല എന്നും ആയിരുന്നു നിഖില നൽകിയ മറുപടി എന്നും സന്തോഷ് വർക്കി പറയുന്നു.