ഫിയോക്ക് പ്രസിഡന്റ് വിജയകുമാറിന്റെ തീയറ്ററിൽ മരക്കാർ ബുക്കിംഗ് തുടങ്ങി..!!

നവംബർ 9 നു ഫിയോക്ക് പ്രസിഡന്റ് വിജയകുമാർ ഒരു പ്രസ്താവന നടത്തിയിരുന്നു. മരക്കാർ എന്ന ചിത്രം തീയറ്ററുകളിൽ പ്രദർശനം നടത്തുന്നതിന് ഞങ്ങൾ എതിരല്ല. എന്നാൽ ഫിയോക്ക് അംഗങ്ങളുടെ തീയറ്ററുകളിൽ മരക്കാർ റിലീസ് ചെയ്യില്ല.

ഇപ്പോൾ കൃത്യം 21 ദിവസങ്ങൾക്ക് ശേഷം ഫിയോക്ക് പ്രസിഡണ്ട് വിജയകുമാറിന്റെ ഉടമസ്ഥതയിൽ ഉള്ള അഞ്ചൽ വർഷ തീയറ്ററിൽ മരക്കാർ ബുക്കിംഗ് തുടങ്ങി എന്നുള്ളത് തന്നെയാണ്.

മലയാളത്തിൽ ബ്രഹ്മാണ്ഡ ചിത്രം എന്ന നിലയിൽ എത്തുന്ന സിനിമയാണ് മരക്കാർ അറബിക്കടലിന്റെ സിംഹം. മലയാളത്തിൽ നേരത്തെ ഒട്ടേറെ ചരിത്ര സിനിമകൾ എത്തിയിട്ടുണ്ട് എങ്കിൽ കൂടിയും വമ്പൻ മുതൽ മുടക്കിൽ എത്തുന്ന സിനിമ എന്ന പ്രത്യേകതയുണ്ട് മരക്കാരിന്.

ഡിസംബർ 2 ആണ് ചിത്രം ലോക വ്യാപകമായി റീലീസ് ചെയ്യുന്നത്. മോഹൻലാൽ , പ്രണവ് മോഹൻലാൽ , സുനിൽ ഷെട്ടി , അർജുൻ സർജ , കീർത്തി സുരേഷ് , മഞ്ജു വേരിയർ , കല്യാണി പ്രിയദർശൻ , നെടുമുടി വേണു , ബാബുരാജ് , മുകേഷ് , പ്രഭു തുടങ്ങി വലിയ താരനിരയിൽ തന്നെയാണ് മരക്കാർ എത്തുന്നത്.

കൊച്ചിയിൽ ബുക്ക് മൈ ഷോയിൽ ഇതൊനൊടകം ആദ്യ ദിനം 150 ഷോക്ക് മുകളിൽ ചാർട്ട് ചെയ്തു കഴിഞ്ഞു. മോഹൻലാൽ ചിത്രങ്ങൾ ഇല്ലെങ്കിലും തീയറ്റർ വ്യവസായ നടക്കും എന്നത് അടക്കമുള്ള വിവാദ പരാമർശങ്ങൾ വിജയകുമാർ നടത്തിയിരുന്നു.