ഇതാണ് മമ്മൂട്ടി ഖേദം പ്രകടിപ്പിച്ച പ്രസംഗം; മുടിയില്ലാത്തതിൽ അഹങ്കരിക്കുന്ന ഒരാളാണ് താനെന്ന് ജൂഡ് ആന്തണി ജോസഫ്..!!

എന്ത് പറഞ്ഞാലും വിവാദം ആകുന്നത് പോലെയാണ് മലയാള സിനിമയുടെ കാര്യം. ഇപ്പോൾ ബോഡി ഷെമിങ് എന്ന പേരിൽ വിവാദമായി നിൽക്കുന്നത് മമ്മൂട്ടിയുടെ വാക്കുകൾ ആണ്. ഏറെ സരസമായി മമ്മൂട്ടി പറഞ്ഞ വാക്കുകൾ ആണ് ഇപ്പോൾ സോഷ്യൽ മീഡിയയിൽ വിവാദങ്ങൾക്ക് തിരികൊളുത്തുന്നത് പോലെ ആയി മാറിയത്.

സംവിധായകൻ ജൂഡ് ആന്തണി ജോസഫ് സംവിധാനം ചെയ്യുന്ന പുതിയ ചിത്രം 2018 ചിത്രത്തിന്റെ ട്രൈലെർ ലോഞ്ച് ഭാഗമായി എത്തിയ മമ്മൂട്ടി ആയിരുന്നു പ്രസംഗത്തിന്റെ ഇടയിൽ തലയിൽ മുടിയില്ല എങ്കിൽ കൂടിയും ബുദ്ധിയുള്ള ആൾ ആണ് നമ്മുടെ ജൂഡ് എന്ന് തമാശ രൂപേണ പറഞ്ഞത്.

എന്നാൽ പിന്നീട് മമ്മൂട്ടി ജൂഡ് ആന്തണിയെ ബോഡി ഷെമിങ് ചെയ്തതാണ് എന്ന തരത്തിൽ സംഭവം വിവാദമാകുക ആയിരുന്നു. ഈ സംഭവത്തിൽ ആദ്യം പ്രതികരണവുമായി എത്തിയത് ജൂഡ് തന്നെ ആയിരുന്നു. ജൂഡ് സോഷ്യൽ മീഡിയയിൽ കുറിച്ചത് ഇങ്ങനെ..

മമ്മൂക്ക എന്റെ മുടിയെക്കുറിച്ചു പറഞ്ഞത് ബോഡി ഷെമിങ് ആണെന്ന് പൊക്കിപ്പിടിച്ചുക്കൊണ്ടു വരുന്നവരോട് . എനിക്ക് മുടി ഇല്ലാത്തതിൽ ഉള്ള വിഷമം എനിക്കോ എന്റെ കുടുംബത്തിനോ ഇല്ല . ഇനി അത്രേം concern ഉള്ളവർ മമ്മൂക്കയെ ചൊറിയാൻ നിക്കാതെ എന്റെ മുടി പോയതിന്റെ കാരണക്കാരായ ബാംഗ്ലൂർ കോര്പറേഷൻ വാട്ടർ , വിവിധ ഷാംപൂ കമ്പനികൾ ഇവർക്കെതിരെ ശബ്ദമുയർത്തുവിൻ.

ഞാൻ ഏറെ ബഹുമാനിക്കുന്ന ആ മനുഷ്യൻ ഏറ്റവും സ്നേഹത്തോടെ പറഞ്ഞ വാക്കുകളെ ദയവു ചെയ്തു വളച്ചൊടിക്കരുത് .
എന്ന് മുടിയില്ലാത്തതിൽ അഹങ്കരിക്കുന്ന ഒരുവൻ..

എന്നാൽ തുടർന്ന് വിഷയം കൂടുതൽ വിവാദം ആയതോടെ മമ്മൂട്ടി നൽകിയ മറുപടി ഇങ്ങനെ ആയിരുന്നു..

പ്രിയരെ കഴിഞ്ഞ ദിവസം ‘2018’ എന്ന സിനിമയുടെ ട്രൈലർ ലോഞ്ചിനോട് അനുബന്ധിച്ചു നടന്ന ചടങ്ങിൽ സംവിധായകൻ ‘ജൂഡ് ആന്റണി’യെ പ്രകീർത്തിക്കുന്ന ആവേശത്തിൽ ഉപയോഗിച്ച വാക്കുകൾ ചിലരെ അലോസരപ്പെടുത്തിയതിൽ എനിക്കുള്ള ഖേദം പ്രകടിപ്പിക്കുന്നതോടൊപ്പം ഇങ്ങനെയുള്ള പ്രയോഗങ്ങൾ ആവർത്തിക്കാതിരിക്കുവാൻ മേലിൽ ശ്രദ്ധിക്കുമെന്ന് ഉറപ്പു തരുന്നു. ഓർമ്മിപ്പിച്ച എല്ലാവർക്കും നന്ദി.