നടിയെ ആക്രമിച്ച കേസിൽ ദിലീപിനേയും വനിതാ സംഘടനയെ കുറിച്ചും വെളിപ്പെടുത്തലുമായി ശ്രീനിവാസൻ..!!

കൊച്ചിയിൽ നടിയെ ആക്രമിച്ച കേസും തുടർന്നുള്ള വാർത്തകളും കെട്ടടങ്ങി നിൽക്കുന്ന സാഹചര്യത്തിൽ നിർണായക വെളിപ്പെടുത്തൽ നടത്തി നടൻ ശ്രീനിവാസൻ രംഗത്ത്.

അസുഖ ബാധിതനായി ആശുപത്രിയും തുടർന്നുള്ള വിശ്രമവും കഴിഞ്ഞ് തിരിച്ചെത്തിയ ശ്രീനിവാസൻ ഒരു സ്വകാര്യ ചാനലിന് നൽകിയ അഭിമുഖത്തിൽ ആണ് മലയാള സിനിമയിലെ വനിതാ കൂട്ടയ്മക്ക് എതിരെ നിശിതമായ വിമർശനവുമായി രംഗത്ത് എത്തിയത്.

പാർവതിയും റിമയും അടക്കം നേതൃത്വം നൽകുന്ന വുമൺ ഇൻ സിനിമ കളക്റ്റീവ് എന്ന സംഘടനയുടെ ആവശ്യം എന്താണ് എന്ന് അറിയില്ല എന്നും തുല്യ വേതനത്തെ കുറിച്ചും സ്ത്രീകൾ സിനിമ മേഖലയിൽ നേരിടുന്ന അതിക്രമങ്ങൾ എന്നിവയെ കുറിച്ച് ഡബ്ലയുസിസി പറയുന്ന ആരോപണങ്ങൾ വെറും പൊള്ളയാണ് എന്നാണ് ശ്രീനിവാസൻ അഭിപ്രായപ്പെട്ടത്.

അതോടൊപ്പം കൊച്ചിയിൽ നടിയെ ആക്രമിച്ച കേസ് കെട്ടി ചമച്ചത് ആണ് എന്നാണ് ശ്രീനിവാസൻ പറയുന്നത്. ഇത്തരം കാര്യങ്ങൾക്കായി പണം ചിലവാക്കുന്ന ആൾ അല്ല ദിലീപ് എന്നും ശ്രീനിവാസൻ പറയുന്നു.

നടിയെ ആക്രമിച്ച കേസിൽ ദിലീപിനെതിരായുള്ളത് കെട്ടിച്ചമച്ച കഥയാണെന്ന് ശ്രീനിവാസൻ ആരോപിച്ചു. ഒന്നരക്കോടി രൂപയ്ക്ക് പൾസർ സുനിക്ക് ദിലീപ് ക്വട്ടേഷൻ നൽകിയെന്നത് വിശ്വസനീയമല്ല. താനറിയുന്ന ദിലീപ് ഇത്തരമൊരു കാര്യത്തിന് ഒന്നരപ്പൈസ പോലും ചെലവാക്കില്ലെന്നാണ് ശ്രീനീവാസന്റെ അഭിപ്രായപ്പെടുന്നു.