ഇനിയും ഞാൻ ഗ്ലാമർ ഫോട്ടോഷൂട്ടുകൾ ചെയ്യും, എന്റെ കുടുംബത്തിന് ഇല്ലാത്ത പ്രശ്നം നാട്ടുകാർക്ക് എന്തിനാ; അമേയ മാത്യു..!!

അമേയ മാത്യു എന്ന താരം നിരവധി ചിത്രങ്ങളിൽ ചെറുതും വലുതുമായ വേഷങ്ങൾ ചെയ്തിട്ടുണ്ട് എങ്കിൽ കൂടിയും കരിക്ക് എന്ന വെബ് സീരിസിൽ ഒറ്റ എപ്പിസോഡിൽ വന്ന അമേയ പ്രത്യക്ഷപ്പെട്ടതോടെ കരിക്ക് ഗേൾ എന്ന പേരിൽ ശ്രദ്ധ നെടുക ആയിരുന്നു. തുടർന്ന് നിരവധി ബോൾഡും ഗ്ലാമറും നിറഞ്ഞ ഫോട്ടോഷൂട്ടിൽ കൂടി താരമെത്തിയതോടെ വമ്പൻ താരമായി മാറിക്കഴിഞ്ഞു അമേയ.

അതോടൊപ്പം തന്നെ ഫോട്ടോഷൂട്ടുകൾ എത്തിയതോടെ സദാചാരക്കാരുടെ വേട്ടമൃഗം കൂടി ആയി മാറിക്കഴിഞ്ഞു അമേയ. തനിക്ക് എതിരെയുള്ള ആക്രമണം പുല്ലാണ്‌ എന്നാണ് താരം പറയുന്നത്. തന്റെ ഫോട്ടോഷൂട്ടിനെ മാത്രം ആളുകള്‍ എന്തിനിങ്ങനെ ആക്രമിക്കുന്നുവെന്ന് താരം ചോദിക്കുന്നു. ദുല്‍ഖര്‍ സല്‍മാന്റെ വലിയ ആരാധികയാണെന്നും അദ്ദേഹത്തിന്റെ കൂടെ അഭിനയിക്കാനാണ് ആഗ്രഹമെന്നും അമേയ പറഞ്ഞു.

ഒന്നര വര്‍ഷം മുന്‍പ് ചെയ്ത ഫോട്ടോഷൂട്ട് കണ്ടാണ് താരത്തിനെ പലരും വിലയിരുത്തുന്നതും ഗ്ലാമറസ് ഫോട്ടോഷൂട്ട് ഇനിയും പ്രതീക്ഷിക്കാമെന്നും അത് തന്റെ ജോലിയുടെ ഭാഗമാണ് മറ്റുള്ളവര്‍ക്ക് അത് വിലയിരുത്തേണ്ട കാര്യമില്ലെന്നും, തനിക്കും തന്റെ കുടുംബത്തിനും ഇല്ലാത്ത വിഷമം നാട്ടുകാര്‍ക്ക് എന്തിനാണെന്ന് മനസിലാകുന്നില്ലെന്നും താരം ഓൺലൈൻ മാധ്യമത്തിന് നൽകിയ അഭിമുഖത്തിൽ പറയുന്നു.