എന്റെ മീടൂ വാർത്ത വന്നപ്പോൾ ചിരിയാണ് വന്നത്, പീഡകൻ എന്ന പേര് ചാർത്തി കിട്ടിയ സ്വഭാവ നടൻ; അലൻസിയർ..!!

ലോകമെങ്ങും മീടൂ വിവാദം ഉണ്ടായി എങ്കിൽ കൂടിയും മലയാളത്തിൽ അത് ആളിക്കത്തിയത് നടൻ അലൻസിയറിൽ മാത്രം ആയിരുന്നു. ഗീത ഗോപിനാഥ് ആണ് അലൻസിയർക്ക് എതിരെ ആരോപണവുമായി എത്തിയത്, ഈ വിഷയത്തെ കുറിച്ച് മനസ്സ് തുറന്നിരിക്കുകയാണ് അലൻസിയർ ഇപ്പോൾ.

തന്റെ ചില സമയങ്ങളിൽ ഉള്ള പെരുമാറ്റം അതിർ വരമ്പുകൾ കടക്കാറുണ്ട് എന്നും, അത് പെണ്ണുങ്ങളോട് ആയാലും ആണുങ്ങളോട് ആയാലും അങ്ങനെ തന്നെ ആണ് എന്നും, ഗീതയോട് പെരുമാറിയത് ശരിയല്ല എന്ന് തോന്നിയപ്പോൾ മാപ്പ് പറഞ്ഞിരുന്നു, പിന്നീട് പരസ്യമായി മാപ്പ് പറയണം എന്ന് പറഞ്ഞപ്പോൾ അന്നും പറഞ്ഞു.

എന്തായാലും പരസ്യമായി മാപ്പ് പറഞ്ഞ വിഷയം ആണ് പിന്നെ അതിനെ കുറിച്ച് സംസാരിക്കുന്നതിൽ എന്താണ് കുഴപ്പം എന്നും ആ കുട്ടിക്ക് ഫീൽ ചെയ്തത് പോലെ ഒന്നും താൻ ഉദ്ദേശിച്ചിട്ടില്ല. ചില സമയങ്ങളിൽ എന്റെ സംസാരവും പെരുമാറ്റവും കൈവിട്ട് പോകും, അത്തരം സംഭവങ്ങളിൽ പിന്നീട് മാപ്പ് പറയാറും ഉണ്ട്.

ബിജു മേനോൻ നായകനായി എത്തിയ ചിത്രത്തിന്റെ ലൊക്കേഷനിൽ വെച്ചാണ് ആ വാർത്ത എത്തിയത്, ആദ്യം കണ്ടപ്പോൾ ചിരിയാണ് വന്നത്, മലയാള സിനിമയിലെ പീഡകൻ എന്ന സ്ഥാനപ്പേരു ചാർത്തി കിട്ടിയ ഒരു സ്വഭാവ നടൻ. അലൻസിയർ പറഞ്ഞു.