സോഷ്യൽ മീഡിയ പ്രണയവും ഒളിച്ചോട്ടവും ഒക്കെ കഴിഞ്ഞ രണ്ടു മാസങ്ങൾ ആയി വലിയ വാർത്തകൾ ആയി വന്നില്ല എങ്കിൽ കൂടിയും വീണ്ടും അത്തരം വാർത്തകൾ എത്തി തുടങി എന്ന് വേണം പറയാൻ. അത്തരത്തിൽ ഉള്ള ഒരു കല്യാണ വാർത്ത ആണ് ഇപ്പോൾ കോട്ടയം ഏറ്റുമാനൂരിൽ നിന്നും റിപ്പോർട്ട് ചെയ്തിരിക്കുന്നത്.

ഫേസ്ബുക് വഴി പ്രണയത്തിൽ ആയ യുവാവ് യുവതിയുടെ വീട്ടിൽ വന്നു വിവാഹ ആലോചന നടത്തിയതോടെ വീട്ടുകാർ ലോക്ക് ഡൌൺ മാനദണ്ഡങ്ങൾ വെച്ച് വിവാഹം നടത്തുകയും തുടർന്ന് ഇവരും യുവതിയുടെ വീട്ടിൽ താമസിച്ചു വരുമ്പോൾ ആണ് യുവാവിന്റെ ആദ്യ ഭാര്യ ഭർത്താവിനെ അന്വേഷിച്ചു എത്തുന്നത്. ലോക്ക് ഡൗണിന്റെ മറവിൽ ആണ് കണ്ണൂർ സ്വദേശിയായ വിനോദ് എന്ന ആൾ ഏറ്റുമാനൂർ സ്വദേശിയായ യുവതിയെ വിവാഹം കഴിക്കുന്നത്.

Loading...

ഇരുവരും സോഷ്യൽ മീഡിയ വഴി പരിചയപ്പെടുകയും തുടർന്ന് പ്രണയത്തിൽ ആകുകയും ആയിരുന്നു. തുടർന്ന് ജൂൺ 14 നു ആയിരുന്നു ഇരുവരുടെയും വിവാഹം. വീട്ടിൽ അമ്മ മാത്രമേ ഉള്ളൂ എന്ന് പറഞ്ഞ വിനോദ് സുഹൃത്തുക്കളും ആയി എത്തി ആണ് വിവാഹ ആലോചന നടത്തിയത്. തുടർന്ന് വിവാഹം കഴിഞ്ഞു ഇരുവരും ഭാര്യ വീട്ടിൽ തന്നെ തങ്ങി. തിരുവല്ല സ്വദേശിയായ ആദ്യ ഭാര്യ ഭർത്താവിനെ അന്വേഷിച്ചു ഏറ്റുമാനൂർ എത്തിയതോടെ ആണ് ഇയാൾ വിവാഹിതനും രണ്ടു കുട്ടികളുടെ അച്ഛനും ആണെന്നുള്ള വിവരം പെൺകുട്ടികളുടെ വീട്ടുകാർ മനസിലാക്കുന്നത്.

തുടർന്ന് ഇവർ പരാതി നൽകുക ആയിരുന്നു. ശനിയാഴ്ച ആണ് സംഭവം. വിനോദും ഏറ്റുമാനൂർ ഉള്ള യുവതിയും നാടുവിടുകയും ചെയ്തു എന്നാണ് റിപ്പോർട്ട്.