പൃഥ്വി ഇപ്പോഴും സിനിമയിൽ ഉണ്ടാവാൻ കാരണം മമ്മൂട്ടി; മല്ലിക സുകുമാരൻ

മലയാളത്തിന്റെ മെഗാസ്റ്റാർ മമ്മൂട്ടി മികച്ച നടൻ മാത്രമല്ല നല്ലൊരു മനുഷ്യനും സഹജീവികളുടെ പ്രശ്നങ്ങൾ അറിഞ്ഞു പരിഹരിക്കുന്ന ആൾ ആണെന്നും മല്ലിക സുകുമാരൻ പറയുന്നു. തിലകൻ വിഷയത്തിൽ അടക്കം പലപ്പോഴും മലയാള സിനിമയിലെ താര സംഘടനയായ അമ്മയുമായി സസ്വരസ്യങ്ങൾ ഉള്ള നടനാണ് പ്രിത്വിരാജ് സുകുമാരൻ. തന്റെ കാഴ്ചപ്പാടുകൾ പരസ്യമായി പറഞ്ഞു പുലിവാല് പിടിക്കുന്ന കാര്യത്തിൽ പ്രിത്വി എപ്പോഴും മുമ്പിൽ തന്നെ ഉണ്ടാവും.

പൃഥ്വിരാജ് നേരിടുന്ന ഇത്തരം പ്രശ്‌നങ്ങളിൽ എപ്പോഴും പരിഹാര മാര്ഗങ്ങളുമായി എത്തുന്നത് മമ്മൂട്ടി ആയിരിക്കും എന്നു മല്ലിക സുകുമാരൻ പറയുന്നു.

മനോരമ ഓണ്ലൈന് നൽകിയ അഭിമുഖത്തിൽ പൃഥ്വിരാജിന്റെ അമ്മ കൂടിയായ മല്ലിക മമ്മൂട്ടിയെ കുറിച്ചു പറയുന്നത് ഇങ്ങനെ;

‘വല്ലാത്തൊരു ബന്ധമാണ് മമ്മൂട്ടിയുമായി ഉള്ളത്. ഒരു സിനിമാനടന്‍ എന്നതിനേക്കാള്‍ മമ്മൂട്ടി എന്ന മനുഷ്യസ്നേഹിയെയാണ് എനിക്ക് പരിചയം. മമ്മൂട്ടിയിലെ മനുഷ്യസ്നേഹിയെ ആദ്യം തിരിച്ചറിഞ്ഞത് അമ്മയിലെ ഒരു മീറ്റിങ്ങിൽ വെച്ചാണ്. സംഘടനയ്ക്കുള്ളിൽ അഭിപ്രായ വ്യത്യാസങ്ങൾ ഉണ്ടായപ്പോഴൊക്കെ പ്രശ്നങ്ങൾ പരിഹരിക്കാനും താരങ്ങളെ കഴിവതും ഒരുമിച്ച് നിർത്താനും ഏറ്റവും അധികം ശ്രമിച്ചത് മമ്മൂട്ടിയാണ്.‘- മല്ലിക പറയുന്നു.

ഓരോ പ്രശ്നങ്ങളും എങ്ങനെ നേരിടണം എന്നും പരിഹാരം കാണണം എന്നും മമ്മൂട്ടിക്ക് നന്നായി അറിയാം എന്നും മല്ലിക പറയുന്നു..