മലയാളത്തിന്റെ പ്രിയനടൻ ക്യാപ്റ്റൻ രാജു അന്തരിച്ചു..!!

മസ്തിഷ്കാഘതത്തെ തുടർന്ന് ചികിൽസയിൽ ഒമാനിൽ ആയിരുന്ന നടൻ ക്യാപ്റ്റൻ രാജു അന്തരിച്ചു. രണ്ട് മാസങ്ങൾക്ക് മുമ്പാണ് തിരിച്ചു കൊച്ചിയിൽ എത്തിയത്. സ്വ വസതിയിൽ വച്ചായിരുന്നു അദ്ദേഹത്തിന്റെ അന്ത്യം.

മലയാളം, ഹിന്ദി, തമിഴ്, തെലുങ്ക്, കന്നഡ തുടങ്ങിയ ഭാഷകളിൽ അഭിനയിച്ചിട്ടുള്ള ക്യാപ്പ്റ്റൻ രാജു രണ്ട് ചിത്രങ്ങൾ സംവിധാനം ചെയ്തിട്ടുണ്ട്. ഇതാ സ്നേഹ ഗാഥ, മിസ്റ്റർ പവനായി എന്നീ ചിത്രങ്ങൾ ആണ് സംവിധാനം ചെയ്തിട്ടുള്ളത്. മലയാളത്തിലെ എക്കാലത്തെയും മികച്ച വില്ലൻ കഥാപാത്രങ്ങൾ ചെയ്തിട്ടുള്ള നടൻ കൂടിയാണ് ക്യാപ്റ്റൻ രാജു.

രതിലയം എന്ന ചിത്രത്തിലൂടെ സിനിമയിൽ എത്തിയ ക്യാപ്പ്റ്റൻ രാജു അവസാനം ചെയ്ത ചിത്രം മാസ്റ്റർപീസ് ആണ്.

പട്ടാളത്തില്‍നിന്നു വിരമിച്ച ശേഷം കുറച്ചുകാലം മുംബൈയിലെ ‘ലക്ഷ്മി സ്റ്റാര്‍ച്ച്’ എന്ന കമ്പനിയിലും ജോലി ചെയ്തിട്ടുള്ള ക്യാപ്റ്റൻ ഇവിടെ ജോലി ചെയ്യുന്നതിനിടെ പ്രതിഭാ തിയറ്റേഴ്‌സ് ഉള്‍പ്പെടെ മുംബൈയിലെ അമച്വര്‍ നാടക ട്രൂപ്പുകളില്‍ ക്യാപ്റ്റന്‍ രാജു സഹകരിച്ചിരുന്നു. പിന്നീടാണു ചലച്ചിത്രരംഗത്തേയ്ക്കു കടന്നത്.

നാടോടിക്കാറ്റിലെ പവനായി എപ്പോഴും പ്രേക്ഷക മനസിൽ നിലനിൽക്കുന്ന കഥാപാത്രമാണ്, വടക്കൻ വീരഗാഥ എന്ന ചിത്രത്തിലും പ്രധാന വേഷത്തിൽ എത്തിയിട്ടുണ്ട്.