വലിയ പ്രതീക്ഷ നൽകാതെ പോയാൽ ഭീഷ്മ നിങ്ങൾക്ക് ഇഷ്ടമാകും; സുഷിൽ ശ്യാം പറയുന്നു..!!

ഛായാഗ്രാഹകൻ ആയി എത്തുകയും അവിടെ നിന്നും സംവിധായകൻ ആയി മാറുകയും ചെയ്തയാൾ ആണ് അമൽ നീരദ്. മലയാളത്തിലെ ട്രെൻഡ് തന്നെ മാറ്റിയ സംവിധായകൻ ആയിരുന്നു അമൽ നീരദ്. അത്രമേൽ മികച്ച ചിത്രം ആയിരുന്നു അമലിന്റെ ആദ്യ സംവിധാന സംരംഭം.

സ്റ്റൈലിഷിൽ ലുക്കിൽ മമ്മൂട്ടി നായകനായി എത്തിയ ബിഗ് ബി എന്ന പ്രേക്ഷകർ സ്വീകരിച്ചില്ല എങ്കിൽ കൂടിയും പിന്നീട് ചിത്രത്തിന് പ്രശംസ ലഭിച്ചു എന്നുള്ളതാണ് സത്യം. ഇപ്പോൾ ബിഗ് ബി എന്ന ചിത്രത്തിന് ശേഷം അമൽ നീരദ് മമ്മൂട്ടി ടീം വീണ്ടും ഒന്നിക്കുകയാണ്.

ഭീഷ്മ പർവ്വം എന്ന പേരിൽ എത്തുന്ന ചിത്രം ഗ്യാങ്സ്റ്റർ കഥ പറയുന്ന മാസ്സ് എന്റെർറ്റൈനെർ ആയി ആണ് പ്രേക്ഷകർ കാത്തിരിക്കുന്നത്. ഇപ്പോൾ ചിത്രത്തിനെ കുറിച്ച് സംഗീത സംവിധായൻ സുശീൽ ശ്യാം പറഞ്ഞ വാക്കുകൾ ആണ് വൈറൽ ആകുന്നത്.

വരത്തൻ , കുമ്പളങ്ങി നൈറ്റ്സ് , അഞ്ചാം പാതിരാ തുടങ്ങി കുറുപ്പ് എന്ന ചിത്രത്തിന്റെ വരെ സംഗീത സംവിധാനവും പശ്ചാത്തല സംഗീതവും നൽകിയത് സുശീൽ ശ്യാം ആണ്. സുശീൽ തന്നെയാണ് ബിഗ് ബി എന്ന ചിത്രത്തിന് ശേഷം മലയാളത്തിലെ സ്റ്റൈലിഷ് കോമ്പിനേഷൻ വീണ്ടും ഒന്നിക്കുന്ന ഭീഷ്മക്ക് സംഗീതം ഒരുക്കുന്നത്.

ഈ സിനിമയെ കുറിച്ച് കൂടുതൽ ഒന്നും വെളിപ്പെടുത്താൻ തനിക്ക് കഴിയില്ല എന്നാണ് സുശീൽ ശ്യാം പറയുന്നത്. എന്നാൽ ചിത്രം കാണാൻ പോകുമ്പോൾ അമിത പ്രതീക്ഷ നൽകാതെ ഇരിക്കാൻ ആണ് സുശീൽ പറയുന്നത്. ചിത്രത്തിന്റെ പാട്ടുകൾ എല്ലാം പൂർത്തിയായി കഴിഞ്ഞു.

ഈ മാസം അവസാനത്തോടെ പശ്ചാത്തല സംഗീതം ഒരുക്കുന്നതിലേക്ക് കടക്കും. അതുപോലെ ഈ ചിത്രം നിങ്ങൾക്ക് നല്ലൊരു സിനിമ അനുഭവം നൽകും എന്നും സുശീൽ പറയുന്നു. ദേവദത്ത് ഷാജിയും അമൽ നീരദും ചേർന്നാണ് ചിത്രത്തിന്റെ തിരക്കഥ ഒരുക്കുന്നത്.

2022 ഫെബ്രുവരി അവസാനം ആണ് ചിത്രത്തിന്റെ റിലീസ് പ്ലാൻ ചെയ്തിരിക്കുന്നത്. അമൽ നീരദ് തന്നെയാണ് ഈ ചിത്രം നിർമ്മിക്കുന്നത്. വമ്പൻ താരനിരയിൽ ആണ് ചിത്രം എത്തുന്നത്.

ദിലീഷ് പോത്തൻ , ഷൈൻ ടോം ചാക്കോ , സൗബിൻ ഷാഹിർ , ശ്രീനാഥ്‌ ഭാസി , അന്തരിച്ച നെടുമുടി വേണു , ലെന , നാദിയ മൊയ്‌ദു , വീണ നന്ദകുമാർ തുടങ്ങി നിരവധി താരങ്ങൾ ഉണ്ട് ചിത്രത്തിൽ.