ഹൃദയം ഹൃദയങ്ങൾ കീഴടക്കും; ത്രസിപ്പിക്കുന്ന ടീസർ; പുത്തൻ താരോദയം..!!

മോഹൻലാലിന്റെ മകൻ പ്രണവ് മോഹൻലാൽ എന്നതിൽ നിന്നും മലയാളത്തിന്റെ യുവതാരനിരയിലേക്ക് സ്വന്തം കഴിവിൽ പലതും തെളിയിക്കാൻ ഉണ്ടെന്നു കാണിക്കുന്ന ചിത്രം തന്നെയായിരിക്കും ഹൃദയം എന്ന ചിത്രം. അതിനുള്ള കൊടിയേറ്റം തന്നെ ആയിരിക്കും ഇതെന്ന് തെളിയിക്കുന്നതാണ് ഹൃദയത്തിന്റ ടീസർ.

വിനീത് ശ്രീനിവാസൻ ഒരു വലിയ ഇടവേളക്ക് ശേഷം സംവിധായകനായി എത്തുന്ന ചിത്രം ആണ് ഹൃദയം. വർഷങ്ങൾക്കു ശേഷം മെരിലാൻഡ് സിനിമാസ് വീണ്ടും നിർമാണ രംഗത്തേക്ക് എത്തുമ്പോൾ ആ വരവ് ചുമ്മാതെയായിരിക്കില്ല എന്ന് കാണിക്കുന്നത് തന്നെയാണ് ഹൃദയത്തിന്റെ ടീസർ.

പ്രണയവും മാസ്സും കിടിലൻ ആക്ഷൻ രംഗങ്ങളും മലയാള സിനിമയുടെ രാജകുമാരൻ താൻ തന്നെ ആയിരിക്കുമെന്ന് പ്രണവ് ഈ ചിത്രത്തിൽ കൂടി കാണിച്ചുതരും. ദർശന എന്ന ഗാനത്തിൽ കൂടി ഗംഭീര സ്വീകരണം ആയിരുന്നു സോഷ്യൽ മീഡിയയിൽ ഉണ്ടായത്.

ഇപ്പോൾ ടീസറിലും ഗംഭീര പ്രകടനം തന്നെയാണ് പ്രണവ് കാണിക്കുന്നത്. പ്രണവ് മോഹൻലാലിൻറെ നായികയായി എത്തുന്നത് കല്യാണി പ്രിയദർശനും ദർശന രാജേദ്രനുമാണ്.