ഒരാണിനെ തല്ലാനുള്ള ധൈര്യമെനിക്കില്ല; ഞാൻ പ്രതികരണ ശേഷിയില്ലാത്ത ആളാണ്; വിനായകന്റെ വിഷയത്തിൽ നവ്യ നായർ..!!

ഒരുത്തീ എന്ന ചിത്രത്തിന്റെ പ്രൊമോഷന്റെ ഭാഗമായി ആണ് പത്ര സമ്മേളനം നടത്തിയത് എങ്കിൽ കൂടിയും പ്രൊമോഷനേക്കാൾ കൂടുതൽ വിവാദങ്ങൾ ആണ് ഇപ്പോൾ നടക്കുന്നത്. വിനായകൻ നടത്തിയ പ്രസ്താവനകൾ ആണ് ഒരുത്തീ ചിത്രത്തിന്റെ ടീമിനെ മുഴുവൻ വീട്ടിൽ ആക്കിയിരിക്കുന്നത്.

തനിക്ക് ഫിസിക്കൽ റിലേഷൻഷിപ്‌ ചെയ്യാൻ തോന്നിയാൽ ആ സ്ത്രീയോട് ഞാൻ ചോദിക്കുമെന്നും അതുപോലെ പത്ത് പെണ്ണുങ്ങളുമായി ശാരീരിക ബന്ധങ്ങൾ ഉണ്ടായിട്ടുണ്ട് എന്നും ആയിരുന്നു വിനായകൻ നടത്തിയ പരസ്യ പ്രസ്താവന. ഇപ്പോൾ ഈ വിഷയത്തിൽ വിനായകനൊപ്പം വേദിയിൽ ഉണ്ടായിരുന്നു ചിത്രത്തിന്റെ നായിക കൂടി ആയ നവ്യ നായർ മനോരമ ഓൺലൈൻ വഴി പറഞ്ഞ കാര്യങ്ങൾ ആണ് ശ്രദ്ധ നേടുന്നത്.

വിനായകൻ ഏത് വിഷയത്തിലും അഭിപ്രായം പറയുന്ന ഒരാൾ ആണ്. അങ്ങനെ ഒരാളുടെ അടുത്ത് എന്റെ മിതമായ ഇടപെടൽ പോലും അയാളെ ക്രുദ്ധനാക്കുമെന്നു എനിക്ക് തോന്നി. ഞാൻ എന്തെങ്കിലും പറഞ്ഞു അയാൾ എന്നെ തല്ലിയാൽ അത് അയാൾക്ക് അല്ല നാണക്കേട് എനിക്കാണ്. മീഡിയ അത് വാർത്ത ആക്കും.

അയാൾക്ക് ബെല്ലും ബ്രെകുമില്ലാതെ പ്രതികരിക്കാൻ കഴിയും. എന്നാൽ എനിക്ക് അതിനു കഴിയില്ല എനിക്ക് ഭർത്താവും മോനുമൊക്കെയുണ്ട്. അയാൾക്ക് അടികൊടുക്കാൻ പാടില്ലായിരുന്നോ എന്ന് ചോദിക്കുന്നവരോട്, കാലവും ലോകവുമെല്ലാം ഒരുപാട് വളർന്നിട്ടുണ്ടാവാം.

പക്ഷെ ഒരാണിന്റെ തല്ലാനുള്ള ധൈര്യമൊന്നും എനിക്കില്ല. അത് വാസ്തവമായ കാര്യമാണ്. ഞാൻ ഒരു ധൈര്യ ശാലി ആണ് എന്നും എന്തിനും പ്രതികരിക്കാൻ കഴിയുന്ന ആൾ ആണ് എന്നും ഞാൻ എവിടെയും പറഞ്ഞട്ടില്ല.

വലിയ പ്രതികരണ ശേഷി ഇല്ലാത്ത ആൾ ആണെന്നും പലപ്പോഴും പ്രതികരണം നടത്തേണ്ട സമയത്തിൽ കഴിഞ്ഞട്ടില്ല എന്നും നവ്യ പറയുന്നു. അതെ സമയം പ്രതികരിക്കാൻ ശേഷിയുള്ള സ്ത്രീകളുടെ കാണുമ്പോൾ ബഹുമാനവും ഇഷ്ടവും തോന്നിയിട്ടുണ്ടെന്നു നവ്യ പറയുന്നു.