ലാലേട്ടന്റെ ഒന്നൊന്നര വില്ലത്തരം കാണാൻ റെഡിയായിക്കോ; ലൂസിഫർ വരുന്നു..!!

ഏവരും ആകാംഷയോടെ കാത്തിരിക്കുന്ന ചിത്രമാണ് പൃഥ്വിരാജ് ആദ്യമായി സംവിധാനം ചെയ്യുന്ന മുരളി ഗോപിയുടെ തിരക്കഥയിൽ ഒരുങ്ങുന്ന മോഹൻലാൽ നായകനാകുന്ന ലൂസിഫർ. 2019ൽ റിലീസിന് എത്തുന്ന ചിത്രത്തിൽ രാഷ്ട്രീയ നേതാവയ സ്റ്റീഫൻ നെടുംമ്പള്ളി എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നത്.

ലൂസിഫർ എന്ന പേര് ഈ ചിത്രത്തിന്റെ അല്ല എന്നും എന്നാൽ അന്തരിച്ച സംവിധായകൻ രാജേഷ് പിള്ള ആശിർവാദ് സിനിമാസിന് വേണ്ടി ചെയ്യാൻ ഇരുന്ന ചിത്രത്തിന്റെ പേരായിരുന്നു എന്നും രണ്ട് കഥകളും അറിയാവുന്നത് കൊണ്ടാണ് ലൂസിഫർ എന്ന പേര് ഈ ചിത്രത്തിന് ഇട്ടത് എന്ന് സംവിധായകൻ പ്രിത്വിരാജ് പറയുന്നത്.

ലൂസിഫറിന്റെ മറ്റൊരു പ്രത്യേക എന്തെന്നാൽ ചിത്രത്തിൽ എല്ലാ കഥാപാത്രങ്ങൾക്ക് പോസിറ്റീവ്, നെഗറ്റീവ് ഷെയ്ഡ് ഉള്ളവർ ആണ്, ഓരോ സമയത്തും ഓരോ സ്വഭാവത്തിൽ ഉള്ളവർ.

മോഹൻലാൽ അവതരിപ്പിക്കുന്ന കഥാപാത്രം ” ലൂസിഫർ ഇരുട്ടിന്റെ രാജാകുമാരൻ മാത്രല്ല, ലൂസിഫർ വീണുപോയ ഒരു മാലാഖ കൂടിയാണ്, രാജാവാണ്, അയാളോട് എങ്ങനെ പെരുമാറുന്നുവോ അങ്ങനെ തിരിച്ചു പെരുമാറുന്നവനാണ് ലൂസിഫർ”.

വമ്പൻ താര നിരയിൽ ഒരുങ്ങുന്ന ചിത്രത്തിൽ മോഹൻലാലിന് ഒപ്പം ടോവിനോ തോമസ്, ഇന്ദ്രജിത്ത് സുകുമാരൻ, കലാഭവൻ ഷാജോണ് എന്നിവർക്ക് പുറമെ ബോളിവുഡ് താരം വിവേക് ഒബ്രോയ്യും എത്തുന്നു. മഞ്ജു വാര്യർ ആണ് മോഹൻലാലിന്റെ നായികയായി എത്തുന്നത്. സാനിയ അയ്യപ്പൻ, മമ്ത മോഹൻദാസ് എന്നിവരും ചിത്രത്തിൽ പ്രധാന വേഷത്തിൽ എത്തുന്നു. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് ചിത്രം നിർമ്മിക്കുന്നത്.