ബിഗ്ബിയുടെ രണ്ടാം ഭാഗം കാത്തിരിക്കുന്ന ആരാധകർക്കായി ദുൽഖറിനെ നായകനാക്കി ബിലാലിന്റെ പീക്വൽ വരുന്നു; സംഭവം എത്തുന്നത് വെബ് സീരിസ് ആയി..!!

2007 ൽ അമൽ നീരദ് സംവിധാനം ചെയ്തു മമ്മൂട്ടി നായകനായി എത്തിയ ചിത്രമായിരുന്നു ബിഗ് ബി. മലയാള സിനിമക്ക് പുത്തൻ ദൃശ്യ അനുഭൂതി നൽകിയ ചിത്രം എന്നാൽ തീയറ്ററിൽ വലിയ വിജയമായി മാറിയില്ല. ഒപ്പം അന്ന് മമ്മൂട്ടി ആരാധകർ പോലും കൈവിട്ട ചിത്രമായിരുന്നു ബിഗ് ബി.

എന്നാൽ കാലം തെറ്റി വന്ന എന്ന ചിത്രം എന്ന നിലയിൽ പിന്നീട് സിനിമ ഗ്രൂപ്പുകളിൽ ചിത്രം വാഴ്ത്തപ്പെട്ടു. സിനിമ ചർച്ചകളിൽ വീണ്ടും വീണ്ടും ഇടം നേടിയ ചിത്രത്തിന്റെ രണ്ടാം ഭാഗം പിന്നീട് സംവിധായകൻ അമൽ നീരദ് പ്രഖ്യാപിച്ചിരുന്നു എങ്കിൽ കൂടിയും കുറച്ചേറെ വർഷങ്ങൾ ആയി.

എന്നാൽ അതിനു ശേഷം അമൽ നീരദും മമ്മൂട്ടിയും ഒന്നിച്ചു എങ്കിൽ കൂടിയും അത് ബിഗ് ബിയുടെ രണ്ടാം ഭാഗമായിരുന്നില്ല മറിച്ച് ഭീഷ്മ എന്ന ചിത്രമായിരുന്നു. എന്നാൽ ബിഗ് ബിയുടെ പീക്വൽ വരുന്നു എന്നുള്ള റിപ്പോർട്ട് ആണ് ഇപ്പോൾ പുറത്തു വരുന്നത്. മമ്മൂട്ടിയുടെ മകനും പാൻ ഇന്ത്യൻ സൂപ്പർസ്റ്റാറുമായി ദുൽഖർ സൽമാൻ നായകനായി ആണ് ബിഗ് ബിയുടെ പീക്വൽ വരുന്നത് എന്നാണ് റിപ്പോർട്ട്.

മമ്മൂട്ടി അനശ്വരമാക്കിയ ബിലാൽ ജോൺ കുരിശിങ്കൽ എന്ന കഥാപാത്രത്തിന്റെ മുപ്പതാം വയസിൽ ഉള്ള കാലഘട്ടമാണ് കാണിക്കാൻ ഉദ്ദേശിക്കുന്നത് എന്നും മുംബൈ അധോലോക കഥ ആയിരിക്കും കാണിക്കാൻ ഉദ്ദേശിക്കുന്നതും എന്നും റിപ്പോർട്ടുകൾ പറയുന്നു.

ഇതിൽ മുപ്പത് വയസുള്ള ബിലാൽ ആയിട്ട് ആയിരിക്കും ദുൽഖർ സൽമാൻ എത്തുക. ചിത്രം വെബ് സീരിസ് ആയിട്ട് ആയിരിക്കും എത്തുക എന്നും അമൽ നീരദ് തന്നെ ആയിരിക്കും സീരിസ് ഒരുക്കുന്നത് എന്നും ഓ ടി ടി പ്ലേ റിപ്പോർട്ട് ചെയ്യുന്നു. ചിത്രത്തിൽ ഫഹദ് ഫാസിൽ പ്രധാന വേഷത്തിൽ എത്തും എന്ന് റിപ്പോട്ടുകൾ വരുന്നുണ്ട്.

സീത രാമം അടക്കം പാൻ ഇന്ത്യൻ വിജയങ്ങൾ നേടിയതിൽ കൂടി ദുൽഖർ എന്ന താരം മലയാള സിനിമക്ക് അപ്പുറം വളർന്ന് കഴിഞ്ഞിരിക്കുന്നു. അതുപോലെ തന്നെ വിക്രം അടക്കമുള്ള ചിത്രങ്ങളിൽ കൂടി ഫഹദ് ഫാസിലും ഇപ്പോൾ പാൻ ഇന്ത്യൻ താരമായി നേട്ടമുണ്ടാക്കിയ ആൾ ആണ്.