മരക്കാർ ചിത്രം അതിബുദ്ധിമാന്മാർക്ക് വേണ്ടിയുള്ളതല്ല; ഇതൊരു പക്കാ എന്റർടൈൻമെന്റ് ചിത്രം; പ്രിയദർശൻ..!!

മലയാള സിനിമയിലെ ഏറ്റവും കൂടുതൽ മുതൽ മുടക്കുള്ള ചിത്രം അടുത്ത വർഷം പ്രേക്ഷകർക്ക് മുന്നിലേക്ക് എത്തുകയാണ്. മോഹൻലാലിനെ നായകനാക്കി പ്രിയദർശൻ ഒരുക്കുന്ന ചിത്രത്തിന്റെ ഒറ്റ ഷെഡ്യൂളിൽ പൂർത്തിയാക്കിയ ചിത്രീകരണത്തിന് ശേഷം വി എഫ് എക്സ് അടക്കമുള്ള പ്രവർത്തനങ്ങൾ നടന്നു കൊണ്ടിരിക്കുകയാണ്.

കഴിഞ്ഞ ദിവസം കൊച്ചിയിൽ വെച്ച് നടന്ന താരനിബിഢമായ ചടങ്ങിൽ ആണ് മരക്കാർ അറബിക്കടലിന്റെ സിംഹം എന്ന ചിത്രത്തിന്റെ ഒട്ടേറെ സീനുകൾ അടങ്ങിയ വിഷ്വൽ സീനുകൾ പ്രദർശനം നടത്തിയത്. എന്നാൽ ഇതിനൊപ്പം ആണ് പ്രിയദർശൻ ഇത്തരത്തിൽ വെളിപ്പെടുത്തൽ നടത്തിയത്. താൻ ഒരുക്കുന്ന മരക്കാർ തന്റെ ഭാവനകളിലെ താൻ ചെറുപ്പകാലം മുതൽ വായിക്കുകയും പഠിക്കുകയും ചെയ്ത താൻ സ്വാപനം കണ്ട മരക്കാർ ആണ് എന്നാണ് പ്രിയൻ പറയുന്നത്.

ഇത് കേരളത്തിലെ ബുദ്ധിജീവികൾക്ക് വേണ്ടിയുള്ള ചിത്രം ആയിരിക്കില്ല എന്നും മോഹൻലാൽ എന്ന നടനെ ഇഷ്ടപ്പെടുകയും ആരാധിക്കുകയും ചെയ്യുന്നവർക്ക് ആവേശം നൽകുന്ന ഒരു കമ്പ്ലീറ്റ് എന്റർടൈൻമെന്റ് ആയ മരക്കാർ ആയിരിക്കും എന്നാണ് പ്രിയദർശൻ പറയുന്നത്. അതുപോലെ തന്നെ കുറച്ചു ചരിത്രവും അതിലേറെ എന്റർടൈൻമെന്റും ആയിരിക്കും ഈ ചിത്രം. എനിക്ക് എന്നും താങ്ങായി നിന്നിട്ടുള്ള ലാലിന് ഞാൻ നൽകുന്ന സമ്മാനം ആണ് ഈ ചിത്രം.

ഇത് ഒരു റിയലിസ്റ്റിക്ക് ചിത്രമോ ചരിത്ര സിനിമയോ ആയി കാണണ്ട എന്നും കേരളത്തിലെ അതിബുദ്ധിമാന്മാർക്ക് വേണ്ടിയല്ല സാധാരണക്കാരായ പ്രേക്ഷകർക്ക് വേണ്ടിയാണ് ഞാൻ ഈ ചിത്രം ഒരുക്കിയിരിക്കുന്നത് എന്നും ആണ് പ്രിയദർശൻ പറയുന്നത്.