മാമാങ്കം ചിത്രത്തിന്റെ പോസ്റ്റാറിനൊപ്പം ലാലേട്ടൻ; നന്ദി പറഞ്ഞു നിർമാതാവ് വേണു കുന്നപ്പിള്ളി..!!

മമ്മൂട്ടിയുടെ അഭിനയ ജീവിതത്തിലെയും മലയാള സിനിമയിലെ ഏറ്റവും വലിയ മുതൽമുടക്കിൽ എത്തുന്ന സിനിമയാണ് മാമാങ്കം. ചരിത്ര പ്രധാന്യമുള്ള ഭാരതപ്പുഴയുടെ തീരത്തു നടക്കുന്ന ഉത്സവം ആണ് മാമാങ്കം. മമ്മൂട്ടിയെ നായകനാക്കി എം പത്മകുമാർ സംവിധാനം ചെയ്യുന്ന ഈ സിനിമ നിർമ്മിക്കുന്നത് കാവ്യാ ഫിലിംസിന്റെ ബാനറിൽ വേണു കുന്നപ്പിള്ളിയാണ്.

ഇപ്പോഴിതാ മോഹൻലാൽ മാമാങ്കം ചിത്രത്തിന്റെ പോസ്റ്ററിന് ഒപ്പം നിൽക്കുന്ന മോഹൻലാലിന്റെ ചിത്രം പങ്കുവെച്ചിരിക്കുകയാണ് നിർമാതാവ് വേണു കുന്നപ്പിള്ളി. ന്യൂസിലാൻഡ് ട്രിപ്പ് കഴിഞ്ഞു തിരിച്ചെത്തിയ മോഹൻലാൽ കൊച്ചിൻ എയർപോർട്ടിൽ മാമാങ്കം പോസ്റ്ററിന് മുന്നിൽ നിൽക്കുന്നത്.

ചിത്രത്തിന്റെ പോസ്റ്ററിനോടൊപ്പം ലാലേട്ടനും നിൽക്കുന്ന ഒരു ചിത്രം ഇപ്പോൾ ചിത്രത്തിന്റെ നിർമ്മാതാവ് വേണു കുന്നപ്പള്ളി തൻറെ അക്കൗണ്ടിൽ കൂടി പുറത്തു വിട്ടിരിക്കുകയാണ്. താങ്ക്യൂ ലാലേട്ടാ.. ലവ് യു എന്ന് ക്യാപ്ഷനോടുകൂടിയാണ് വേണു കുന്നപ്പള്ളി ചിത്രം പോസ്റ്റ് ചെയ്തിരിക്കുന്നത്.

ഈ പോസ്റ്ററും ചിത്രവും ഇതിനോടകം സോഷ്യൽ മീഡിയയിൽ വൈറലായി കൊണ്ടിരിക്കുകയാണ്. ഡിസംബർ 12 നു ആണ് മാമാങ്കം തീയറ്ററുകളിൽ എത്തുന്നത്. കനിഹ, അനു സിത്താര, ഉണ്ണി മുകുന്ദൻ, സിദ്ദീഖ്, തരുണ്‍ അറോറ, സുദേവ് നായര്‍, സുരേഷ് കൃഷ്ണ, രതീഷ് കൃഷ്ണ, പ്രാചി തെഹ്ലാന്‍, മാസ്റ്റര്‍ അച്യുതന്‍ എന്നിവരാണ് ചിത്രത്തിലെ മറ്റ് താരങ്ങള്‍.