എന്റെ മക്കളെ എടുക്കാൻ പോലും മടിയായിരുന്നു; ശ്രീനിവാസന്റെ പരുക്കൻ സ്വഭാവത്തിൽ മാറ്റം വന്നതിനെ കുറിച്ച് വിനീത് ശ്രീനിവാസൻ..!!

മലയാള സിനിമയുടെ സകലകലാ വല്ലഭനാണ് ശ്രീനിവാസൻ. നായകനായും സഹ താരമായും കോമഡി താരമായും സംവിധായകനായും തിരക്കഥാകൃത്ത് ആയും എല്ലാം തിളങ്ങിയിട്ടുള്ള ആൾ കൂടിയാണ് ശ്രീനിവാസൻ. ശ്രീനിവാസന് ഉള്ളത് രണ്ടു ആൺമക്കൾ ആണ്.

രണ്ടുപേരും അച്ഛനെ പോലെ തന്നെ സിനിമ ലോകത്തിൽ സജീവമായി നിൽക്കുന്ന താരങ്ങൾ തന്നെ. ഗായകനായി ആയിരുന്നു മൂത്ത മകൻ വിനീത് ശ്രീനിവാസൻ സിനിമ ലോകത്തിൽ എത്തുന്നത്. തുടർന്ന് നായകനായി. പിന്നീട് സംവിധായകനായി , കൂടാതെ മികച്ച ചിത്രങ്ങൾ നിർമ്മിക്കുന്ന നിർമാതാവ് കൂടിയാണ് വിനീത് ശ്രീനിവാസൻ.

സഹോദരൻ ധ്യാൻ എത്തിയത് അഭിനേതാവ് ആയിട്ട് ആയിരുന്നു. തുടർന്ന് സംവിധാനത്തിലേക്കും ചുവടുകൾ മാറ്റി ധ്യാൻ. ഇപ്പോൾ അച്ഛൻ ശ്രീനിവാസനെ കുറിച്ച് മനസ്സ് തുറക്കുകയാണ് വിനീത്. അച്ഛൻ അങ്ങനെ ആരോടും സ്നേഹം കാണിക്കില്ല എന്നും കുട്ടികളെ എടുക്കാറില്ല എന്നും ഒക്കെ ആണ് വിനീത് പറയുന്നത്. വിനീത് ശ്രീനിവാസന്റെ വാക്കുകൾ ഇങ്ങനെ..

അച്ഛന് എല്ലാവരോടും വലിയ സ്നേഹമാണ് പക്ഷെ പുറത്തുകാണിക്കില്ല. എന്റെ കുഞ്ഞിനെ എടുക്കാൻ ഒക്കെ വലിയ പേടിയായിരുന്നു. പിന്നെ ഞങ്ങൾ ഒക്കെ ഒരുപാട് നിർബന്ധിച്ച ശേഷം ആണ് കുഞ്ഞിനെ എടുക്കാൻ ഒക്കെ തുടങ്ങിയത്. ഇപ്പോൾ അച്ഛന് നല്ല മാറ്റമുണ്ട്. ഞാനും കുടുംബവും ചെന്നൈയിൽ ആണ് താമസിക്കുന്നത്.

ഞാൻ വീഡിയോ കാൾ വിളിച്ചു കുഞ്ഞിനെ ഒക്കെ കാണിച്ചു കൊടുത്താൽ വലിയ സന്തോഷം ആണ്. സ്നേഹം പ്രകടിപ്പിക്കാറില്ല എന്നാലും ചിരിച്ചോണ്ട് ഇങ്ങനെ നോക്കിയിരിക്കും സ്നേഹവും വാത്സല്യവും ഒകെ ഉള്ളിൽ ഉണ്ട് പക്ഷെ അത് മുഖത്ത് വരാറില്ല. പണ്ടും ഇനങ്ങനെയൊക്കെ തന്നെ ആയിരുന്നു. പക്ഷെ ഇപ്പോൾ പേരക്കുട്ടികൾ വന്നപ്പോൾ അതിൽ ഒരുപാട് മാറ്റമുണ്ട് എന്നാണ് അമ്മയും പറയുന്നത്.

ഈ പരുക്കനായിട്ടുള്ള എല്ലാ അച്ചന്മാരെയും മാറ്റി എടുക്കുന്നത് അവരുടെ പേരക്കുട്ടികൾ ആണെന്ന് തോന്നുന്നു. പിന്നെ മറ്റൊരു കാര്യം അച്ഛന് അവരെ അങ്ങനെ അടുത്ത് കിട്ടാറില്ല ഞങ്ങൾ നാട്ടിലേക്ക് വരുന്നത് വളരെ കുറവാണ് അതിനു അമ്മ എപ്പോഴും പരാതി പറയാറുണ്ട്.

ഇപ്പോൾ പുതിയ ചിത്രം ഹൃദയത്തിന്റെ ഷൂട്ടിംഗ് തിരക്കുകൾ ആയിരുന്നതുകൊണ്ട് ഒട്ടും സമയം ഇല്ലായിരുന്നു. ഏതായാലും ഇനി വീട്ടിൽ പോയിട്ട് അമ്മയുടെ പരിഭവം മാറ്റുക എന്നതാണ് ഏറ്റവും പ്രധാനപെട്ട കാര്യം – വിനീത് പറയുന്നു.