പ്രിത്വിരാജിനൊപ്പം പ്രവർത്തിക്കാൻ മോഹം; അഭിനയത്തിൽ മോഹൻലാലിനെ പോലെയാണ് ഫഹദ്; പ്രിയദർശൻ..!!

മലയാളത്തിൽ മോഹൻലാൽ – പ്രിയദർശൻ കൂട്ടുകെട്ട് എന്ന് പറഞ്ഞാൽ തന്നെ ബോക്സ് ഓഫീസ് വിജയമന്ത്രം ആണ്. മോഹൻലാലിൽ നിന്നും ഒട്ടേറെ മികച്ച കഥാപാത്രങ്ങൾ മലയാളി പ്രേക്ഷകർക്ക് മുന്നിൽ എത്തിച്ച സംവിധായാകൻ ആണ് പ്രിയദർശൻ. മോഹൻലാൽ കഴിഞ്ഞാൽ മലയാളത്തിലെ ഏറ്റവും മികച്ച നാച്ചുറൽ ആക്ടർ ഫഹദ് ഫാസിൽ ആണെന്ന് ആണ് പ്രിയൻ പറയുന്നത്.

ഫഹദിന്റെ അഭിനയം വളരെ സ്വാഭാവികം ആയി തോന്നും എന്ന് പ്രിയദർശൻ പറയുന്നു. എല്ലാ വിധ കഥാപാത്രങ്ങൾക്ക് ഒപ്പം തന്നെ ഹാസ്യവും മികച്ച രീതിയിൽ ചെയ്യാൻ ഫഹദിന് കഴിയുന്നുണ്ട്. മലയാളത്തിൽ എല്ലാവിധ വേഷങ്ങൾ ചെയ്തു വിജയം നേടിയ നടൻ മോഹൻലാൽ എന്ന് വേണം പറയാൻ. കോമഡി ആയാലും ആക്ഷൻ ആയാലും ഇമോഷണൽ കഥാപാത്രങ്ങൾ ആയാലും മോഹൻലാലിന്റെ കയ്യിൽ ഭദ്രമാണ്. അതുപോലെ തന്നെയാണ് ഫഹദും.

ഞാൻ പ്രകാശനും ഇന്ത്യൻ പ്രണയ കഥയും അടക്കമുള്ള കോമഡി വേഷങ്ങൾ വളരെ നാച്ചുറൽ ആയി ആണ് ഫഹദ് അവതരിപ്പിച്ചത്. എന്നാൽ തനിക്ക് ഒപ്പം ഒരു ചിത്രം ചെയ്യണം എന്ന് ആഗ്രഹം ഉള്ള നടൻ പൃഥ്വിരാജ് ആണെന്ന് പ്രിയൻ പറയുന്നു. ദി ന്യൂസ് മിനിട്ടിന് നൽകിയ അഭിമുഖത്തിൽ ആണ് വെളിപ്പെടുത്തൽ.

പുതുതലമുറക്ക് ഒപ്പം പ്രവർത്തിക്കാത്തത് എന്താണ് എന്ന് ചോദിച്ചതിന് പ്രിയൻ പറഞ്ഞത്, പുതു തലമുറയുടെ അഭിനിവേശങ്ങൾ എന്താണ് എന്ന് മനസിലാക്കാൻ തനിക്ക് കഴിയുന്നില്ല എന്നും വ്യക്തിപരമായി ബോധ്യപ്പെടുത്തതോ തൃപ്തികരമായി ചെയ്യാൻ കഴിയാത്തതോ ആയ കാര്യങ്ങൾ തനിക്ക് എഴുതാനോ സ്വീകരിക്കാനോ കഴിയില്ല എന്ന് പ്രിയദർശൻ പറയുമ്പോൾ മോഹൻലാലിനൊപ്പമോ അക്ഷയ് കുമാറിന് ഒപ്പമോ ഒക്കെ പ്രവർത്തിക്കുമ്പോൾ തനിക്ക് ഇങ്ങനെ ഉള്ള പ്രശ്നങ്ങൾ ഇല്ല എന്ന് പ്രിയദർശൻ പറയുന്നു.