നരൻ ഞാൻ എഴുതിയത് മമ്മൂക്കക്ക് വേണ്ടി; എന്നാൽ ലാലേട്ടൻ നായകനാവാൻ കാരണമിത്; രഞ്ജൻ പ്രമോദ്..!!

മലയാള സിനിമ കണ്ട എക്കാലത്തെയും മികച്ച കഥാപാത്രം ആണ് മുള്ളൻകൊല്ലി വേലായുധൻ. മോഹൻലാൽ ആണ് ചിത്രത്തിൽ നായകനായി എത്തിയത്. സിദ്ധിഖ് ആയിരുന്നു ചിത്രത്തിൽ വില്ലൻ. രഞ്ജൻ പ്രമോദ് ആയിരിന്നു ചിത്രത്തിൽ കഥയും തിരക്കഥയും സംഭാഷണവും ഒരുക്കിയത്. മലയാളം കണ്ട ഏറ്റവും വലിയ വിജയ ചിത്രം സംവിധാനം ചെയ്തത് ജോഷി ആയിരുന്നു.

എന്നാൽ ഈ ചിത്രത്തിൽ ആദ്യം നായകനായി പരിഗണിച്ചത് മമ്മൂട്ടിയെ ആയിരുന്നു എന്നും മമ്മൂട്ടി നായകൻ ആകാൻ സമ്മതിച്ചു ആയിരുന്നു. ചിത്രത്തിന് താൻ ആദ്യം നൽകിയ പേര് രാജാവ് എന്നാണു എന്നും രഞ്ജൻ പ്രമോദ് പറയുന്നു. ജോഷി ആയിരുന്നു ചിത്രം സംവിധാനം ചെയ്തത്. എന്നാൽ ഇപ്പോൾ മമ്മൂട്ടിയിൽ നിന്നും താൻ മോഹൻലാലിലേക്ക് എത്തിയ എങ്ങനെ എന്ന് പറയുകയാണ് രഞ്ജൻ പ്രമോദ് ഒരു ഓൺലൈൻ മാധ്യമത്തിന് നൽകിയ അഭിമുഖത്തിൽ…

രഞ്ജൻ പ്രമോദിന്റെ വാക്കുകൾ ഇങ്ങനെ…

ചിത്രത്തിന് ആദ്യം താൻ ഇട്ടിരുന്ന പേര് രാജാവ് എന്നാണ്. അന്ന് ആ ചിത്രത്തിൽ നായകനായി നിശ്ചയിച്ചിരുന്നത് ലാലേട്ടനെയായിരുന്നില്ല മമ്മൂക്കയെ ആയിരുന്നു. ഇന്ന് ചിത്രത്തിൽ കാണുന്നത് പോലെ മരംപിടുത്തവും മറ്റുമൊന്നും ആയിട്ടില്ലായിരുന്നു . ഒരു തുടക്കം മാത്രമായിരുന്നു അത്. ചിത്രത്തിനെ കുറിച്ച് മമ്മൂക്കയോട് സംസാരിച്ചു. ആ ചിത്രത്തിനോട് അനുഭാവ പൂർണ്ണമായ നിലപാട് ആയിരുന്നു ആദ്ദേഹത്തിന് ഉണ്ടായിരുന്നത്.

അതിന് ശേഷം ആ സിനിമ നടക്കാത്ത ഒരു സഹചര്യം ഉണ്ടായി പിന്നീട് ഞാൻ തന്നെ ചിത്രം സംവിധാനം ചെയ്യാം എന്നൊരു കാഴ്ചപ്പാടിലേയ്ക്ക് വന്നു. പിന്നീട് ഈ ചിത്രത്തിന്റെ കഥ പറയുന്നത് ലാലേട്ടനോടായിരുന്നു. ഈ ചിത്രത്തിൽ അടി എന്നത് ഒരു പ്രധാന വിഷയമായി. എന്നാൽ ഈ ചിത്രത്തിൽ അധികം അടി ഇല്ലായിരുന്നു. എന്നാലും ചിത്രത്തിൽ പലതരത്തിലുള്ള അടികൾ ഉണ്ടായിരുന്നു. എനിക്ക് മമ്മൂക്കയെ വെച്ച് സംവിധാനം ചെയ്യാൻ പറ്റില്ല എന്നൊരു തോന്നൽ ഉണ്ടായിരുന്നു.

മമ്മൂക്കയ്ക്ക് മനസ്സിൽ ഒരു ബഹുമാനമായിരുന്നു ഉണ്ടായിരുന്നത്. അതുകൊണ്ട് തന്നെ അത്രയും ഫൈറ്റ് എനിക്ക് മമ്മൂക്കയെ വെച്ച് കൊണ്ട് സംവിധാനം ചെയ്യാൻ പറ്റില്ലെന്ന് തോന്നി. അങ്ങനെയാണ് ഈ കഥയുടെ ചെറിയ രൂപം ലാലേട്ടനോട് പറയുന്നത്.

2005 ൽ ആയിരുന്നു നരൻ റിലീസ് ചെയ്യുന്നത്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമിച്ച ചിത്രത്തിൽ നായികയായി എത്തിയത് ഭാവനയും ദേവയാനിയും ആയിരുന്നു.