15 വർഷത്തെ ലിവിങ് ടുഗതർ; പ്രണയം തുടർന്ന് മൂകാംബികയിൽ വിവാഹം; മനസ്സ് തുറന്നു എം ജി ശ്രീകുമാർ..!!

മലയാളത്തിലെ പ്രിയപ്പെട്ട ഗായകൻ ആണ് എം ജി ശ്രീകുമാർ. എം ജി ശ്രീകുമാറിന്റെ ഭാര്യ ലേഖയും പ്രേക്ഷകർക്ക് സുപരിചിതയാണ്. സോഷ്യൽ മീഡിയയിൽ സജീവമായി നിൽക്കുന്ന ആൾ ആണ് ലേഖ ശ്രീകുമാർ. കുറച്ചു നാളുകൾക്കു മുന്നേ ആണ് എം ജി തന്റെ 30 ആം വിവാഹ വാർഷികം ആഘോഷിച്ചത്. ഇപ്പോൾ തന്റെ ഭാര്യ ലേഖയെ കുറിച്ചും ലേഖയെ കണ്ടുമുട്ടിയ നിമിഷങ്ങളെ കുറിച്ചും ഇരുവരുടെയും പ്രണയത്തെ കുറിച്ചും മനസ്സ് തുറന്നിരിക്കുകയാണ് എം ജി ശ്രീകുമാർ.

നിരവധി സൂപ്പർ ഹിറ്റ് ചിത്രങ്ങൾ പാടിയ ഗായകൻ ആണ് എം ജി ശ്രീകുമാർ. കൂടാതെ സംഗീത സംവിധാനവും അതിനൊപ്പം റിയാലിയറ്റി ഷോയിൽ വിധികർത്താവ് ഒക്കെയാണ് മലയാളികളുടെ സ്വന്തം ശ്രീക്കുട്ടൻ. മലയാളത്തിൽ കൂടാതെ തമിഴിലും തെലുങ്കിലും സൂപ്പർ ഹിറ്റ് ഗാനങ്ങൾ താരം പാടിയിട്ടുണ്ട്. ഇതിനൊപ്പം തന്നെ സ്റ്റേജ് ഷോകളിലും തിളങ്ങി നിൽക്കുന്ന താരം ഭാര്യക്കൊപ്പം ഈ തിരക്കുകളിൽ നിന്നൊക്കെ മാറി സമയം കണ്ടെത്താൻ ശ്രമിക്കാറുണ്ട്. കൂടാതെ ഇരുവരും ഒട്ടേറെ യാത്രകൾ നടത്താറും ഉണ്ട്.

ഇപ്പോൾ തന്റെ വിവാഹത്തെ കുറിച്ചും ലേഖയെ കണ്ടുമുട്ടിയതിനെ കുറിച്ചും എം ജി മനസ്സ് തുറന്നത്. കൗമുദിക്ക് നൽകിയ അഭിമുഖത്തിൽ ആണ് തരാം വിശേഷങ്ങൾ പങ്കു വെച്ചത്. തന്റെ ജീവിതത്തിലേക്ക് ലേഖ എത്തിയതിന് പിന്നിൽ ചിത്രം സിനിമയിലെ ഗാനങ്ങൾക്ക് വലിയ പങ്കുണ്ടെന്നു എം.ജി പറയുന്നു. ലേഖയെ ആദ്യമായി കണ്ടത് തിരുവനതപുരത്ത് വെച്ചായിരുന്നു എന്നും ആണ് ചിത്രം സിനിമയിലെ ഗാനങ്ങളുടെ ഒരു ഓഡിയോ കാസറ്റ് ലേഖക്ക് കൊടുത്തു എന്നും അങ്ങനെയാണ് പ്രണയം തുടങ്ങുന്നത് എന്നും എം.ജി പറയുന്നു. ചിത്രത്തിലെ ഗാനങ്ങളിൽ കൂടിയാണ് ഞങ്ങൾ പ്രണയത്തിൽ ആകുന്നത്.

പ്രണയത്തിൽ ആയ ഇരുവരും 15 വർഷം ലീവിങ് ടുഗതർ ആയി തുടർന്ന് എന്നും അതൊന്നും ജീവിതത്തിൽ ഒരിക്കലും മറക്കാൻ കഴിയാത്തത് ആണെന്ന് എം.ജി ശ്രീകുമാറും ലേഖയും പറയുന്നു. ആ കാലത്ത് ലീവിങ് ടുഗതർ ഒരു സാഹസം തന്നെ ആയിരുന്നു. പ്രേമത്തിന് കണ്ണില്ല കാതില്ല എന്നൊക്കെ പറയുന്നത് ഞങ്ങളുടെ കാര്യത്തിൽ 100 ശതമാനം സത്യം ആണെന്ന് എം ജി ശ്രീകുമാർ പറയുന്നു. 2000 ൽ പുറത്തു വന്ന ഒരു മാഗസിന്റെ കവർ സ്റ്റോറീ ആണ് സ്ഥിതി ഗതികൾ മാറ്റിയത് എന്നും പിന്നീട് ആണ് മൂകാംബികയിൽ വെച്ച് തങ്ങൾ വിവാഹിതർ ആയത് എന്നും തങ്ങൾ പറയുന്നു.

അമ്മയുടെ അനുഗ്രഹത്തോടെ ആണ് തന്റെ വിവാഹം നടന്നത് എന്നും അമ്മയോട് അല്ലാതെ താൻ ആരോടും കല്യാണക്കാര്യം പറഞ്ഞില്ല എന്ന് എം ജി പറയുന്നു. മൂകാംബികയിൽ നടന്ന വിവാഹത്തിന് ശേഷം തങ്ങൾ വിവാഹം രെജിസ്റ്റർ ചെയ്തു. ദൈവാധീനം കൊണ്ട് ഇപ്പോഴും മറ്റൊരു കുഴപ്പവും ഇല്ലാതെ വിവാഹ ജീവിതം മുന്നോട്ട് പോകുന്നു. ലേഖക്ക് ആദ്യ വിവാഹത്തിൽ ഒരു കുട്ടിയുണ്ട് എന്നാൽ എം ജി ശ്രീകുമാറിനും ലേഖക്കും കുട്ടികൾ ഇല്ല.