മോഹൻലാൽ ഒന്ന് സമ്മതം മൂളിയാൽ അദ്ദേഹത്തിന്റെ ഏറ്റവും മികച്ച ചിത്രം ഞാൻ കൊടുക്കാം; ജയരാജ്..!!

മലയാളത്തിലെ ഏറ്റവും മികച്ച സംവിധായകരുടെ കൂട്ടത്തിൽ മുൻ നിരയിൽ ഉള്ള സംവിധായകൻ ആണ് ജയരാജ്, മലയാളത്തിലെ ഏറ്റവും മികച്ച ചിത്രങ്ങൾ അണിയിച്ചൊരുക്കിയ ജയരാജിന് മലയാളത്തിലെ ഒട്ടുമിക്ക നടന്മാരെയും നായകന്മാർ ആക്കാൻ കഴിഞ്ഞിട്ടുണ്ട്.

പല ജോണറിൽ ഉള്ള ചിത്രങ്ങൾ ഒരുക്കിയിട്ടുള്ള ജയരാജിന് പക്ഷെ മോഹൻലാൽ ചിത്രങ്ങൾ എന്നും വഴിമാറി നിൽക്കുകയാണ്.

എന്നാൽ അതിനുള്ള കാരണം താൻ തന്നെയാണ് എന്നും ജയരാജ് പറയുന്നു, ദേശാടനം എന്ന ചിത്രത്തിന് ശേഷം ഞാൻ ഒരുക്കാൻ ഇരുന്നത് ലാലേട്ടനെ വെച്ചുള്ള ഒരു സിനിമ ആയിരുന്നു, മഴയുടെ പശ്ചാത്തലത്തിൽ ഉള്ള ചിത്രം, ലാലേട്ടൻ സമ്മതം മൂളി, ചിത്രത്തിന്റെ പാട്ടുകൾ ഒരുക്കി, ലൊക്കേഷൻ തീരുമാനിച്ചു, എന്തിന് കോസ്റ്റ്യും വരെ നോക്കി എന്നാൽ അവസാന നിമിഷം ചിത്രം എന്റെ സ്വകാര്യമായ കാരണങ്ങൾ മൂലം ഉപേക്ഷിക്കേണ്ടി വന്നു.

കുടുംബത്തോടൊപ്പം ദക്ഷിണാഫ്രിക്കയിൽ യാത്രയിൽ ആയിരുന്നു ലാലേട്ടൻ, യാത്ര വെട്ടിക്കുറച്ച് ആണ് തിരിച്ചെത്തിയത്, നാട്ടിൽ എത്തിയപ്പോൾ ആണ് അദ്ദേഹം കാര്യങ്ങൾ അറിയുന്നത്, ഒരേ ഒരു ചോദ്യം മാത്രമായിരുന്നു അദ്ദേഹം എന്നോട് ചോദിച്ചത്, ‘ എന്നോട് ഒന്ന് നേരത്തെ പറയാൻ ആയിരുന്നില്ലേ’ എന്ന്.

ആ ഓർമ്മ ഉള്ളതിനാൽ ആവാം, കുഞ്ഞാലി മരക്കാർ കഥയുമായി അദ്ദേഹത്തിന്റെ അടുത്ത് പോയിട്ട് മൂന്ന് വർഷത്തോളം കഥ അദ്ദേഹത്തിന്റെ കയ്യിൽ ഇരുന്നിട്ടും ഒന്നും പറഞ്ഞില്ല, തുടർന്ന് വീരം ചെയ്യാൻ ചോദിച്ചപ്പോഴും ഇതൊക്കെ നടക്കുമോ എന്നതുമാത്രമാണ് അദ്ദേഹം ചോദിച്ചത്, ആദ്യ ചിത്രം നടക്കാതെ പോയതിന്റെ വിഷമം അദ്ദേഹത്തിന്റെ മനസിൽ ഇപ്പോഴും ഉണ്ടാവാം, പക്ഷെ ഒരു അവസരം എനിക്ക് മോഹൻലാൽ അദ്ദേഹത്തിന്റെ അഭിനയ ജീവിതത്തിലെ ഏറ്റവും മികച്ച ചിത്രം ഞാൻ നൽകും.

കൗമുദിക്ക് നൽകിയ അഭിമുഖത്തിൽ ആണ് ജയരാജ് ഈ വെളിപ്പെടുത്തൽ നടത്തിയത്.