മമ്മൂട്ടി നായകനായി എത്തിയ സൂപ്പർഹിറ്റ് ചിത്രം കസബക്ക് ശേഷം രഞ്ജി പണിക്കരുടെ നിഥിൻ രഞ്ജി പണിക്കർ ഒരുക്കുന്ന പുതിയ ചിത്രത്തിൽ സുരേഷ് ഗോപി നായകൻ.

കാടിന്റെ പശ്ചാത്തലത്തിൽ ഒരുങ്ങുന്ന ചിത്രത്തിൽ സുരേഷ് ഗോപിക്ക് ഒപ്പം പ്രധാന വേഷത്തിൽ എത്തുന്നത് ലാൽ ആണ്, ഗുഡ്‌ലൈൻ എന്റർടൈനമെന്റിന്റെ ബാനറിൽ എ കെ നാസർ നിർമ്മിക്കുന്ന ചിത്രത്തിന്റെ തിരക്കഥ ഒരുക്കുന്നതും നിഥിൻ തന്നെയാണ്.

നേരത്തെ സുരേഷ് ഗോപിയുടെ എക്കാലത്തെയും വലിയ വിജയ ചിത്രമായ ലേലത്തിന്റെ രണ്ടാം ഭാഗം ആണ് തീരുമിച്ചിരുന്നത് എങ്കിൽ കൂടിയും തിരക്കഥ പൂർത്തിയക്കാത്തത് മൂലം വൈകും എന്നാണ് അറിയുന്നത്.

കാടിന് ഉള്ള ഉൾനാടൻ ഗ്രാമത്തിലെ കഥ പറയുന്ന ചിത്രത്തിന്റെ പ്രധാന ലൊക്കേഷൻ ഇടുക്കിയാണ്, ആഗസ്റ്റ് അവസാനം ചിത്രീകരണം ആരംഭിക്കുന്ന ചിത്രത്തിന്റെ കാസ്റ്റിംഗ് പുരോഗമിക്കുകയാണ്, ചിത്രത്തിൽ നായിക വേഷത്തിൽ യുവനടി എത്തും എന്നാണ് അറിയുന്നത്. ചിത്രത്തിന് ഇതുവരെ പേരിട്ടട്ടില്ല.

രാഷ്ട്രീയത്തിൽ എത്തിയതോടെ സിനിമയിൽ നിന്നും വിട്ട് നിന്ന സുരേഷ് ഗോപിയുടെ വമ്പൻ തിരിച്ചുവരവിൽ ഏറെ ആകാംഷയോടെ ആണ് ആരാധകർ കാത്തിരിക്കുന്നത്.