ജയഭാരതിയെ സത്താർ സ്വന്തമാക്കിയപ്പോൾ അസൂയപൂണ്ട് സിനിമാലോകം; വിവാഹമോചനത്തിൽ ജീവിതം തന്നെ ഇല്ലാതായി..!!

125

വില്ലൻ ആയി വന്നു തുടർന്ന് നായകനായി തിളങ്ങിയ താരങ്ങൾ ഒത്തിരി ഉണ്ട് മലയാള സിനിമയിൽ. എന്നാൽ ആദ്യ കാലങ്ങളിൽ ഏറെ ശ്രദ്ധ നേടിയ നായകൻ ആകുകയും തുടർന്ന് വില്ലൻ ആകുകയും ചെയ്ത ആൾ ആണ് സത്താർ.

പ്രേം നസീർ നായകനായി എത്തുന്ന പുതിയ ചിത്രത്തിലെ നടനെ ആവശ്യം ഉണ്ട് എന്ന പരസ്യം ആണ് സത്താറിന്റെ ജീവിതത്തിൽ വഴിത്തിവ് ആകുന്നത്. 1975 ൽ പുറത്തിറങ്ങിയ ഭാര്യയെ ആവശ്യമുണ്ട് എന്ന ചിത്രത്തിൽ കൂടി സത്താർ എന്ന നടൻ അഭിനയ ലോകത്തിലേക്ക് എത്തുന്നത്.

തുടർന്ന് അതുല്യ കലാകാരന്മാർക്ക് ഒപ്പം വേഷം വേഷങ്ങൾ ചെയ്തിട്ടുള്ള സത്താർ ജീവിതത്തിലേക്ക് മലയാളത്തിന്റെ എക്കാലത്തേക്കും മികച്ച നടികളിൽ ഒരാളും മാദക സുന്ദരി കൂടിയായ ജയഭാരതി എത്തുന്നത്. ബീന എന്ന ചിത്രത്തിൽ കൂടിയാണ് ഇരുവരും സിനിമയിൽ ഒന്നിക്കുന്നത്.

‘നീയൊരു വസന്തം എന്റെ മാനസ സുഗന്ധം’ എന്ന ഗാനത്തിൽ ഇരുവരും ഒന്നിച്ചു അഭിനയിച്ചു. തുടർന്ന് ജയഭാരതിയുടെ മനസ്സ് കൂടി കവർന്ന സത്താർ, ജയഭാരതി സിനിമയിൽ തിളങ്ങി നിൽകുമ്പോൾ തന്നെ ജീവിത സഖി ആക്കുക ആയിരുന്നു.

പലരും സ്വപ്‌നങ്ങൾ കണ്ടിരുന്ന ജയഭാരതിയെ സത്താർ സ്വന്തമാക്കിയപ്പോൾ അസൂയ മൂത്തവർ ആണ് സിനിമ ലോകത്തിൽ അധികവും. എന്നാൽ ജയഭാരതിയെന്ന മാനസ സുഗന്ധം അധികകാലം സത്താറിന്റെ ജീവിതത്തിൽ ഉണ്ടായിരുന്നില്ല. ഇരുവരും വേർപിരിഞ്ഞപ്പോൾ സത്താറിന്റെ ജീവിതത്തിലെ സ്വകാര്യ സങ്കടമായി ജയഭാരതി എന്നും ഉണ്ടായിരുന്നു.