കഴിഞ്ഞ ദിവസം ആയിരുന്നു പ്രിയ സംവിധായകൻ ലാൽ ജോസിന്റെ മകളുടെ വിവാഹം നടന്നത്. താരനിബിഢമായ ചടങ്ങിൽ നിരവധി സിനിമ പ്രവർത്തകർ പങ്കെടുത്തു. ലാൽ ജോസിന്റെ മകൾ ഐറിൻ മേച്ചേരി വിവാഹം ചെയ്തത് തിരുവനന്തപുരം സ്വദേശിയായ ജോഷ്വാ മാത്യുവിനെ ആയിരുന്നു. മലയാളത്തിലെ പ്രമുഖ താരങ്ങൾ പങ്കെടുത്ത ചടങ്ങിൽ താരമായത് ദിലീപിന്റെ മകൾ മീനാക്ഷി ആയിരുന്നു.

മലയാള സിനിമയിലെ ഏറ്റവും വലിയ സൗഹൃദങ്ങളിൽ ഒന്നാണ് ദിലീപും ലാൽ ജോസും തമ്മിൽ ഉള്ളത്. ദിലീപിന്റെ പ്രിയ പത്നി കാവ്യ മാധവൻ ആദ്യമായി നായികയായി എത്തിയത് ലാൽ ജോസ് സംവിധാനം ചെയ്ത ചന്ദ്രൻ ഉദിക്കുന്ന ദിക്കിൽ കൂടിയായിരുന്നു. കൂടാതെ ദിലീപിന്റെ കരിയറിലെ ഏറ്റവും വലിയ വിജയങ്ങൾ സമ്മാനിച്ചതും ലാൽ ജോസ് തന്നെ ആയിരുന്നു മീശ മാധവനും ചാന്തുപൊട്ടും എല്ലാം ഈ കൂട്ടുകെട്ടിൽ പിറന്നതാണ്.

ലാൽ ജോസിന്റെ മകളുടെ പള്ളിയിൽ മിന്നു കെട്ട് ചടങ്ങിലും തുടർന്ന് റിസപിഷനും ദിലീപും മകൾ മീനാക്ഷിയും പങ്കെടുത്തു. മീനാക്ഷിയുടെ പുത്തൻ ഹെയർ സ്റ്റൈൽ ആണ് ഇപ്പോൾ ശ്രദ്ധ നേടുന്നത്. മുടി ഒരു വശത്ത് മാത്രം പ്രത്യേക രീതിയിൽ പിന്നി കെട്ടിയിരിക്കുകയാണ് മീനാക്ഷി.