തമിഴ് നടൻ വിജയിയെ ആദായ വകുപ്പ് ചോദ്യം ചെയ്യുന്നത് 17 മണിക്കൂർ പിന്നിട്ടു. ലോകേഷ് കനകരാജ് സംവിധാനം ചെയ്യുന്ന മാസ്റ്റർ എന്ന ചിത്രത്തിന്റെ ലൊക്കേഷനിൽ എത്തി. ഷൂട്ടിംഗ് നിർത്തി വെച്ച് ആയിരുന്നു ചോദ്യം ചെയ്യൽ ഇന്നലെ വൈകിട്ട് തുടങ്ങിയത്. ‘ബിഗിൽ’ സിനിമയുമായി ബന്ധപ്പെട്ട് ആദായ നികുതി വകുപ്പിന് ലഭിച്ച പരാതിയുടെ അടിസ്ഥാനത്തിലാണ് പരിശോധന.

നേരത്തെ ബിഗിൽ സിനിമയുടെ നിർമാതാക്കളുടേയും സംവിധായകന്റേയും വീടുകളിൽ ആദായ നികുതി വകുപ്പ് റെയ്ഡ് നടത്തിയിരുന്നു. കോടികളുടെ വെട്ടിപ്പ് നടത്തിയെന്ന ആരോപണത്തെ തുടർന്ന് നടൻ വിജയിയുടെ വീട്ടിൽ ആദായ നികുതി വകുപ്പ് പരിശോധന നടത്തിയത്.

Loading...

സംഭവ സമയത്ത് വീട്ടിലില്ലാതിരുന്നതിനാൽ താരത്തെ സംഘം ഫോണിലൂടെ ചോദ്യം ചെയ്തിരുന്നുവെന്നാണ് ഇന്നലെ പ്രചരിച്ച വാർത്തകൾ. എന്നാൽ 17 മണിക്കൂറായി വിജയിയെ ചോദ്യം ചെയ്തു കൊണ്ടിരിക്കുകയാണെന്ന് നിലവിൽ പുറത്തുവരുന്ന റിപ്പോർട്ട്.