മാറുന്ന മലയാള സിനിമക്ക് പുത്തൻ അനുഭവങ്ങൾ ശൃഷ്ടിക്കാൻ വമ്പൻ ബഡ്ജറ്റിൽ ഒരുങ്ങുന്ന മമ്മൂട്ടി ചിത്രം മാമാങ്കത്തിന്റെ ട്രൈലെർ എത്തി. മെഗാസ്റ്റാർ മമ്മൂട്ടിയുടെ ഒഫീഷ്യൽ പേജിൽ കൂടിയാണ് ട്രൈലെർ റിലീസ് ചെയ്തത്.

എഴുപതു കോടി ബഡ്ജറ്റിൽ ഒരുങ്ങുന്ന ചിത്രം സംവിധാനം ചെയ്യുന്നത് പത്മകുമാർ ആണ്. ഉണ്ണി മുകുന്ദന്‍, കനിഹ, അനു സിത്താര, സുരേഷ് കൃഷ്ണ, സിദ്ദീഖ്, തരുണ്‍ അറോറ, സുദേവ് നായര്‍, പ്രാചി തഹ്ലാന്‍, കവിയൂര്‍ പൊന്നമ്മ, മണിക്കുട്ടന്‍, ഇനിയ, മണികണ്ഠന്‍ ആചാരി തുടങ്ങിയവരാണ് ചിത്രത്തിലെ മറ്റ് താരങ്ങള്‍.

കാവ്യാ ഫിലിം കമ്പനിയുടെ ബാനറില്‍ പ്രവാസി വ്യവസായിയായ വേണു കുന്നപ്പള്ളിയാണ് ചിത്രം നിര്‍മ്മിച്ചിരിക്കുന്നത്. മലയാളത്തിന് പുറമെ ഹിന്ദി തമിഴ് തെലുങ്ക് ഭാഷകകളിൽ നവംബർ 21 ആണ് ചിത്രം തീയറ്ററുകളിൽ എത്തുന്നത്. എറണാകുളം കണ്ണൂർ ഒറ്റപ്പാലം വാഗമൺ എന്നിവിടങ്ങളിൽ ആണ് ചിത്രീകരണം നടന്നത്. രണ്ട് മണിക്കൂർ കൊണ്ട് 5 ലക്ഷത്തിലേറെ കാഴ്ചക്കാർ ആണ് ട്രെയിലറിന് ഉള്ളത്.